గ్రంథాలయంలో వ్యాసరచన పోటీలు
భట్టిప్రోలు, మేజర్ న్యూస్: మండల కేంద్రమైన భట్టిప్రోలులోని శ్రీమాటూరు రాఘవరావు శాఖ గ్రంథాలయము నందు 59వ జాతీయ గ్రంథాలయ వారోత్సవాలలో భాగంగా 6వ రోజైనా గురువారం మహిళా దినోత్స వాన్ని నిర్వహించారు. ఈ కార్యక్రమమునకు ముఖ్య అతిథిగా ఎంపీపీఎస్ (బి.కే) పాఠశాల ఉపాధ్యాయులు పడమట రమాకుమారి ముఖ్యఅతిథిగా హాజరయారు. ఆమె మాట్లాడుతూ మహిళలు స్వయంగా ఎదగాలి అంటే తప్పనిసరిగా చదువు ముఖ్యమన్నారు. ప్రపంచ వ్యాప్తంగా మహిళలు అన్ని రంగాలలోను తమ ప్రతిభను చాటుతున్నారని, అలాగే ఆర్థిక, రాజకీయ, సాంస్కృతిక రంగాలలోను మహిళలు కీలక పాత్ర పోషిస్తున్నారని, ప్రతి ఒక్కరు తమ జీవితంలో మహిళలకు మద్దతుగా నిలబడాలని తెలియజేశారు. అనంతరం సీనియర్ విభాగంలో మహిళా దినోత్సవ ప్రాముఖ్యతపై వ్యాసరచన పోటీలు, జూనియర్ విభాగంలో నీతిపద్యాలు వ్రాయడం పై పోటీలను నిర్వహించారు. ఈ పోటీలలో వివిధ పాఠశాలలకు చెందిన 70 మంది విద్యార్థులు పాల్గొన్నారు. శుక్రవారం ముగింపు రోజున వివిధ పోటీలలో గెలుపొందిన వారికి బహుమతి ప్రదానం ఉంటుందని, విద్యార్థులు తప్పక హాజరు కావాలని శాఖ గ్రంథాలయాధికారి కలపాల సుభాష్ చంద్రబోస్ తెలియజేశారు.