గ్రామ స్థాయి నుండి జాతీయ స్థాయికి ఎదిగిన హర్షవర్ధన్ గౌడ్
కర్నూలు జిల్లా దేవనకొండ మండలంలోని కుంకనూరు గ్రామానికి చెందిన ఇ పుష్పావతి రామలింగేశ్వర గౌడ్ దంపతుల కుమారుడు ఈడిగ హర్షవర్ధన్ గౌడ్ హైదరాబాద్లోని హైటెక్స్లో గురువారం నిర్వహించిన భారతీయ రహదారుల కాంగ్రెస్ (IRC) 85వ వార్షిక మహాసభల్లో కేంద్ర రోడ్డు రవాణా,జాతీయ రహదారుల శాఖ మంత్రి నితిన్ గడ్కరీ,తెలంగాణ ముఖ్యమంత్రి రేవంత్ రెడ్డి చేతుల మీదుగా ప్రతిష్టాత్మక జాతీయ పురష్కా రాన్ని అందుకున్నారు.హర్షవర్ధన్ గౌడ్ తల్లిదండ్రులు జీవనోపాధి కొరకు సుదూర ప్రాంథానికి వెళ్లడంతో కుంకనూరు గ్రామంలో ఉంటున్న తన నాన్నమ్మ వెంకటలక్ష్మి రామదాసు గౌడ్ సహకారంతో చదువులో అంచెలంచెలుగా ఎదుగుతూ ప్రస్తుతం ప్రతిష్ఠాత్మక ఐఐటీ ఖరగ్పూర్లో సివిల్ ఇంజినీరింగ్ విభాగంలో పీహెచ్డీ నాలుగో సంవత్సరం చదువుతున్నారు. తన ప్రతిభతో భారతీయ రహదారుల నిర్మాణంలో బిటుమెన్ పనితీరు ఆధారిత ప్రమాణాల అభివృద్ధికి సంబంధించిన (“Development of Performance-Based Binder Rutting Specifications for India”) అనే పరిశోధనా పత్రానికి ఈ అవార్డు లభించింది.ఈ పరిశోధనా పత్రాన్ని ప్రొఫెసర్ విష్ణు రాధాకృష్ణన్, గొట్టుముక్కల భరత్, ప్రొఫెసర్ కె. సుధాకర్ రెడ్డి సంయుక్తంగా రచించారు.గ్రామీణ ప్రాంతానికి చెందిన హర్షవర్ధన్ గౌడ్ జాతీయ స్థాయిలో గుర్తింపు పొందడం కుంకనూరు గ్రామానికి, కర్నూలు జిల్లాకు గర్వకారణంగా నిలిచింది.ప్రతిభ ఉంటే గ్రామ స్థాయి నుండి జాతీయ స్థాయిలో కూడా అవార్డులు సాధించవచ్చని నేటి యువతకు హర్షవర్ధన్ గౌడ్ ఆదర్శంగా నిలిచారు.