ఘనంగా పండిట్ దీన్దయాళ్ ఉపాధ్యాయ జయంతి
పెరవలి మేజర్ న్యూస్ : తూ ర్పుగోదావరి జిల్లా పెరవలి మండలం అన్నవరప్పాడు గ్రామంలోని 199వ బూత్లో పండిట్ దీన్దయాళ్ ఉపాధ్యాయ జయంతి వేడుకలను సెప్టెంబర్ 25వ తేదీ శుక్రవారం ఘనంగా నిర్వహించారు. మండల బీజేపీ ప్రధాన కార్యదర్శి కర్రి సత్యనారాయణ (చిన్న) ఆధ్వర్యంలో జరిగిన ఈ కార్యక్రమంలో బీజేపీ నాయకులు, కార్యకర్తలు పాల్గొన్నారు.ఈ సందర్భంగా పండిట్ దీన్దయాళ్ ఉపాధ్యాయ చిత్రపటానికి పూలమాలలు వేసి నివాళులర్పించారు. దేశానికి ఆయన అందించిన అంత్యోదయ సిద్ధాంతం, ప్రజాసేవకు ఆయన చేసిన కృషిని నాయకులు, కార్యకర్తలు కొనియాడారు. పేదలు, అణగారిన వర్గాల అభ్యున్నతే లక్ష్యంగా దీన్దయాళ్ ఉపాధ్యాయ చూపిన మార్గం నేటికీ స్ఫూర్తిదాయకమని పేర్కొన్నారు.దేశవ్యాప్తంగా బీజేపీ బలోపేతానికి పండిట్ దీన్దయాళ్ ఉపాధ్యాయ అందించిన సిద్ధాంతాలు, సేవలు ఎంతో కీలకమైనవని నాయకులు తెలిపారు. ఈ సందర్భంగా ఆయనకు జయంతి శుభాకాంక్షలు తెలియజేస్తూ పండ్లు, స్వీట్లు పంపిణీ చేశారు.ఈ కార్యక్రమంలో స్థానిక బీజేపీ నాయకులు, కార్యకర్తలు తదితరులు పాల్గొన్నారు.
