andhrapradesh
అనకాపల్లిలో ఘనంగా జిల్లా పరిషత్ కార్యాలయం ప్రారంభం.
అనకాపల్లి, సెప్టెంబర్ 25, మేజర్ న్యూస్: అనకాపల్లి పట్టణంలోని పాత ఆర్డీఓ కార్యాలయ భవనాన్ని నూతన జిల్లా పరిషత్ కార్యాలయంగా మార్పు చేసి శుక్రవారం ఘనంగా ప్రారంభించారు. జిల్లా కలెక్టర్ విజయకృష్ణన్, స్థానిక ఎమ్మెల్యే కొణతాల రామకృష్ణ, మాడుగుల ఎమ్మెల్యే బండారు సత్యనారాయణమూర్తి తదితరులు చేతుల మీదుగా ప్రారంభోత్సవం చేశారు.
అనంతరం ఏర్పాటు చేసిన మీడియా సమావేశంలో జిల్లా పరిషత్ అధ్యక్షురాలుగా జిల్లా కలెక్టర్ మాట్లాడుతూ రాష్ట్ర ముఖ్యమంత్రి చంద్రబాబు నాయుడు, డిప్యూటీ ముఖ్యమంత్రి పవన్ కళ్యాణ్ ఆదేశాల మేరకు ప్రతి జిల్లాకు జిల్లా పరిషత్ కార్యాలయం ఏర్పాటు చేయాలని ఆదేశాలు వచ్చాయన్నారు. ప్రతి జిల్లాలో జిల్లా పరిషత్ కార్యాలయం ఏర్పాటుతో నూతన అభివృద్ధి కార్యక్రమాలను ఆయా జిల్లాల్లోనే పరిష్కరించుకోవచ్చని, దీనివల్ల పరిపాలన మరింత వేగవంతం అవుతుందని తెలిపారు.
