గీతంలో 5జి మరియు డ్రోన్ టెక్నాలజి పై వర్క్‌షాప్
విశాఖ ఎడ్యుకేషన్, సూర్య : గీతం డీమ్డ్ విశ్వవిద్యాలయం స్కూల్ ఆఫ్ కంప్యూటర్ సైన్స్ అండ్ ఇంజనీరింగ్ ఆధ్వర్యంలో “5జి మరియు డ్రోన్ టెక్నాలజీ’ అనే అంశంపై సోమవారం మూడు రోజుల పాటు జరిగే వర్క్‌షాప్ ప్రారంభమైంది. ప్రారంభోత్సవ కార్యక్రమంలో ట్రిపుల్ ఐటి ఐ.టి.డి.ఎమ్. కర్నూలు కు చెందిన డాక్టర్ ఎమ్.రవికుమార్, గీతం స్కూల్ ఆఫ్ కంప్యూటర్ సైన్స్ అండ్ ఇంజనీరింగ్ డైరక్టర్ డాక్టర్ కె.తిరుపతిరావు, సిఎసఇ విభాగం అధిపతి ప్రొఫెసర్ జి.వి.ఎస్.రాజ్‌కుమార్, డాక్టర్ కె.నవీన్‌కుమార్ తదితరులు ముఖ్యఅతిధిగా పాల్గొనగా ఐ.టి.డి.ఎమ్ కర్నూల్ డాక్టర్ పూట రవికిషోర్, భారత్ ప్రభుత్వ టెలికమ్యూనికేషన్స్ శాఖకు చెందిన ఏ.పి.ఎల్.ఎస్.ఏ.అసిస్టెంట్ డైరక్టర్ డాక్టర్ ఎమ్.రవిశంకర్ తదితరులు రిసోర్సు పర్సన్‌లుగా పాల్గొని విలువైన సలహలు అందించారు.
నిపుణులు తమ ప్రసంగాలలో 5జి కనెక్టివిటి మరియు డ్రోన్లు వ్యవసాయం, విపత్తు నిర్వహణ, రవాణ మరియు టర్బైన్ నిర్వహణ వంటి కీలక రంగాలను వేగంగా మారుస్తున్నాయని పేర్కొన్నారు. కృత్రిమ మేధ అనేది మానవ మేదస్సుకు ప్రత్యామ్నాయం కాదని, అది ప్రతిభను పెంచే ఒక సాధనం మాత్రమేనని వారు పేర్కొన్నారు. క్లౌడ్ కంప్యూటింగ్, ఎడ్జ్ కంప్యూటింగ్ మరియు మానవరహిత వైమానిక వ్యవస్థల వంటి వర్ధమాన సాంకేతికతలను సమాజంలో విపరీతమైన డిమాండ్ ఉందని వారు తెలిపారు. అకడమిక్స్‌లో 5జి ల్యాబ్స్ మరియు డ్రోన్ ఇంజనీరింగ్ సరికొత్త అంశాలని కేవలం లాజికల్ అంశాలకే పరిమితం కాకుండా హ్యండ్స్ ఆన్ ప్రాక్టికల్ శిక్షనకు ప్రాధాన్యత ఇవ్వాలని సూచించారు. 5జ్రి మరియు డ్రోన్లు వాడకం ద్వారా రసాయనాల వాడకాన్ని అదుపు చేయడం మరియు వాతావరణ మార్పులను తట్టుకుని దిగుబడిని పెంచడం సాధ్యమవుతుదంని స్పష్టం చేశారు. భారతదేశంలో లభిస్తున్న అపారమైన సాంకేతిక వనరులను సద్వినియోగం చేసుకుంటూ విద్యార్ధులు, పరిశోధకులు నూతన ఆవిష్కరణలు రూపొందించాలని పిలుపునిచ్చారు. డోన్ల అమరిక, విడిబాగాల గుర్తింపు, పైలటింగ్ విధానాలు మరియు వ్యవసాయ రంగంలో ఎదురయ్యే సాంకేతిక సవాళ్లను అధిగమించడంపై ఈ వర్క్‌షాప్‌లో ప్రత్యేక శిక్షణ ఇస్తామని తెలిపారు. కేవలం సిద్దాంతపరమైన జ్ఞానానికే పరిమితం కాకుండా, వాస్తవ ప్రపంచ అనువర్తనాలను నేరుగా నిపుణుల ద్వారా తెలుసుకోవడానికి ఈ మÖడు రోజుల కార్యక్రమం ఎంతగానో దోహదపడుతుందని నిర్వహకులు తెలిపారు.
ఈ సాంకేతిక కార్యక్రమ నిర్వహణకు వర్క్‌షాప్ కోఆర్డినేటర్లుగా డాక్టర్ స్వరూప్ కుమార్, డాక్టర్ పూన వేణుగోపాల్ రావులను వ్యవహరించారు. ఇటువంటి విద్యాపరమైన కార్యక్రమాలు అధ్యాపకులకు, విద్యార్ధులకు సాంకేతిక పరిజ్ఞానాన్ని మెరుగుపరచడంలో పరిశోధనలను ప్రోత్సహించడంలో మరియు భవిష్యత్తు పారిశ్రామిక అవసరాలకు సిద్దం చేయడంలో తోడ్పడతాయని వారు తెలిపారు. ఈ 5జి మరియు డ్రోన్ టెక్నాలజి వర్క్‌షాప్‌కు అధ్యాపకులు,పరిశోధకులు మరియు విద్యార్ధులు పెద్ద ఎత్తున హజరయ్యారు.
