గర్భిణీలు,బాలింతలు ఐవిఆర్ఎస్ వైద్య సేవలు పొందండి:ఐసిడిఎస్ సూపర్వైజర్ బి విజయలక్ష్మి

ముదినేపల్లి , మేజర్ న్యూస్ : మహిళా శిశు సంక్షేమానికి స్త్రీశిశు సంక్షేమ శాఖ ఐవిఆర్ఎస్ కాల్స్ ద్వారా అందించే వైద్య సేవలను సద్వినియోగం చేసుకోవాలని ఐసిడిఎస్ కొత్తపల్లి సెక్టర్ సూపర్వైజర్ బి విజయలక్ష్మి కోరారు. ముదినేపల్లి మండలంలో వాడవల్లి , వైవాక అంగన్వాడి కేంద్రాలలో ఐసిడిఎస్ అంగన్వాడి ఉత్సవాల్లో భాగంగా సేవా సంకల్పం అభియాన్ ర్యాలీని నిర్వహించారు. సంక్షేమం , ఆరోగ్యం , పోషకాహారం , శారీరక , మానసిక వికాసం తదితర అంశాలకు సంబంధించి ఐవీఆర్ఎస్ ద్వారా అందించే సేవలను గర్భవతులు , బాలింతలు , స్త్రీలు , స్కూలు పిల్లల తల్లిదండ్రులకు ఆమె వివరించారు. పోషక ఆహారంపై అవగాహన పెంచుకోవాలన్నారు. ఈ కార్యక్రమంలో వాడవల్లి , వైవాక అంగన్వాడి కార్యకర్తలు సొంగ మణి , కె కృష్ణకుమారి , సిహెచ్ నిరూష , జి రోజారాణి , కె చిన్నారి , జి సువర్చల , ఎన్ రత్నకుమారి , అంగనవాడి సహాయకులు , గర్భిణీలు , బాలింతలు , మహిళలు పాల్గొన్నారు.

 రిపోర్టర్గ:-రాజు ముదినేపల్లి