ఎన్డీఏ కూటమి సర్పంచ్ అభ్యర్థిగా షంషూర్ నామినేషన్
పామూరు, మేజర్ న్యూస్ :
పామూరు పట్టణ మేజర్ పంచాయతీ సర్పంచ్ ఎన్నికల బరిలో ఎన్డీఏ కూటమి అభ్యర్థిగా షేక్.షంషూర్ నామినేషన్ దాఖలు చేశారు. కనిగిరి ఎమ్మెల్యే డాక్టర్ ముక్కు ఉగ్ర నరసింహారెడ్డి ఆశీస్సులతో బలపరిచిన ఆయన మంగళవారం స్థానిక గ్రామ పంచాయతీ కార్యాలయంలో ఎన్నికల అధికారి రామారావుకు తన నామినేషన్ పత్రాలను సమర్పించారు. ఈ సందర్భంగా తెలుగుదేశం, భారతీయ జనతా పార్టీ, జనసేన పార్టీలకు చెందిన మండల, పట్టణ నాయకులు, కార్యకర్తలు పెద్ద సంఖ్యలో హాజరయ్యారు. మూడు పార్టీల నాయకులు, శ్రేణుల సమక్షంలో షంషూర్ నామినేషన్ దాఖలు చేశారు. ఈ కార్యక్రమంలో పట్న టిడిపి యువ నాయకుడు మాజీ ఉపసర్పంచ్ యాదాల వెంకట సాయి కిరణ్, టిడిపి నియోజకవర్గ సీనియర్ నాయకులు కొప్పల్లి సురేష్, శ్రీనివాసులు, సింగిల్ విండో మాజీ అధ్యక్షుడు బైరెడ్డి జయరామిరెడ్డి, సింగిల్ విండో అధ్యక్షుడు ఉప్పలపాటి హరిబాబు తదితరులు పాల్గొన్నారు.