ఎల్. కోట ఎంపీపీగా కోళ్ల ఉషశ్రీ, వైస్ ఎంపీపీగా కోళ్ల బాలాజీ అప్పల రాంప్రసాద్ ప్రమాణ స్వీకారం
లక్క వరపుకోట, నవంబర్ 19 మేజర్ న్యూస్ : మండల ప్రజా పరిషత్ (ఎంపీపీ) నూతన పాలకవర్గం గురువారం కొలువుదీరింది. స్థానిక మండల పరిషత్ కార్యాలయంలో నిర్వహించిన ప్రత్యేక సమావేశంలో ఎల్. కోట ఎంపీపీగా కోళ్ల ఉషశ్రీ, వైస్ ఎంపీపీగా కోళ్ల బాలాజీ అప్పల రాంప్రసాద్ గారు ప్రమాణ స్వీకారం చేశారు.
ఈ సందర్భంగా ఎన్నికల అధికారి భానులత నూతన ఎంపీపీ, వైస్ ఎంపీపీలతో పాటు మండలంలోని ఇతర ఎంపీటీసీ సభ్యులతో కూడా ప్రమాణ స్వీకారం చేయించారు. అనంతరం వారికి నియామక పత్రాలను అందజేశారు. ఈ కార్యక్రమానికి స్థానిక ప్రజాప్రతినిధులు, నాయకులు, అధికారులు మరియు కార్యకర్తలు పెద్ద ఎత్తున హాజరై నూతన పాలకవర్గానికి శుభాకాంక్షలు తెలిపారు. ప్రమాణ స్వీకారం అనంతరం ఎంపీపీ కోళ్ల ఉషాశ్రీ, వైస్ ఎంపీపీ కోళ్ల బాలాజీ అప్పల రాంప్రసాద్ మాట్లాడుతూ ఇప్పటికి 50 ఏళ్ల గా రాజకీయ కుటుంబం గా తమ కుటుంబం ఉందని ఎప్పుడు ఎవ్వరికి అపకారం చేయలేదు అన్నారు అధికారం వున్నా లేకున్నా అందరి మన్ననలు పొండేలా హుందాగా నడుచుకుంటా మని అధికారం శాశ్వతం కాదు అన్నారు.టీడీపీ పార్టీ ఇంకో 25 ఏళ్ల వరకు ఎల్ కోట మండలం లో నాయకులు కార్యకర్తల కృషి తో పటిష్టంగా ఉంటుంది అని జోష్యం చెప్పారు .. తమపై నమ్మకంతో ఈ బాధ్యతలు అప్పగించిన ప్రతి ఒక్కరికీ కృతజ్ఞతలు తెలిపారు. మండలంలోని అన్ని గ్రామాల సమగ్రాభివృద్ధికి, ప్రజా సమస్యల పరిష్కారానికి అందరినీ కలుపుకొని నిరంతరం కృషి చేస్తామని ఈ సందర్భంగా స్పష్టం చేశారు.