ఏ ఎస్ ఆర్ డిగ్రీ కాలేజీలో ఘనంగా ఫ్రెషర్స్ డే వేడుకలు

ఏ ఎస్ఆర్‌ డిగ్రీ కళాశాలలో ఘనంగా ఫ్రెషర్స్‌ డే వేడుకలు
ఆత్మకూరు, మేజర్ న్యూస్ :ఆత్మకూరులోని 
ఏఎస్ఆర్‌ డిగ్రీ కళాశాలలో ఫ్రెషర్స్‌ డే వేడుకలను శుక్రవారం ఘనంగా నిర్వహించారు. ఈ కార్యక్రమానికి ముఖ్య అతిథులుగా సీఐ గంగాధర్‌, ఎస్‌ఐ జంపాని కుమార్‌, టీడీపీ పట్టణ అధ్యక్షుడు తుమ్మల చంద్రారెడ్డి హాజరయ్యారు. ఈ సందర్భంగా కళాశాల యాజమాన్యాన్ని, కరస్పాండెంట్‌ సుబ్బారెడ్డిని అతిథులు అభినందించారు. ఈ సందర్భంగా సీఐ గంగాధర్‌ మాట్లాడుతూ, విద్యార్థులు విద్యతో పాటు క్రమశిక్షణకు ప్రాధాన్యం ఇవ్వాలని సూచించారు. ఉన్నత లక్ష్యాలను నిర్దేశించుకుని వాటిని సాధించేందుకు కృషి చేయాలని, చెడు అలవాట్లకు దూరంగా ఉంటూ భవిష్యత్తుకు బంగారు బాటలు వేసుకోవాలని తెలిపారు. కళాశాల ప్రాంగణంలో నిర్వహించిన ఈ వేడుకలు విద్యార్థుల్లో ఉత్సాహాన్ని నింపాయి. కార్యక్రమంలో ఏఎస్ఆర్‌ కాలేజీ చైర్మన్ మట్లి సురేంద్రరెడ్డి, ప్రిన్సిపాల్‌ ఎ. శ్రీనివాసులరెడ్డి, ప్రసాద్‌, అధ్యాపకులు, విద్యార్థులు తదితరులు పాల్గొన్నారు.