డిసెంబరు నాటికి ఆర్టీసీకి కొత్త ఎలక్ట్రిక్ బస్సులు - ఈడీ జగదీష్ బాబు

ఉదయగిరి,మేజర్ న్యూస్ :   డిసెంబరు మాసం నాటికి ఆర్టీసీకి నూతనంగా ఎలక్ట్రికల్ బస్సులు అందుబాటులోకి వస్తాయని ఎగ్జిక్యూటివ్ డైరెక్టర్ ఎం.జగీష్ బా బు పేర్కొన్నారు. సోమవారం స్థానిక ఆర్టీసీ డిపోను సందర్శించారు. ఈ సందర్భంగా డిపోలోని పలు విభాగాలను తనిఖీ చేసి సిబ్బందికి తగు సూచనలు, సలహాలు అందజేశారు. అనంతరం ఆయన మాట్లాడుతూ ప్రయాణీకుల రద్దీని బట్టి గ్రామీణ ప్రాంతాలకు బస్సులు నడుపుతామన్నారు. డిపోకు రాబడి రాని సర్వీసులను నడపడం కష్టమన్నారు. దసరా పర్వదినం సందర్భంగా ప్రయాణీకుల సౌకర్యార్థం ప్రత్యేక బస్సు సర్వీసులను నడుపుతున్నామన్నారు. ఉదయగిరి డిపో పరిధిలో ఫిర్యాదుల శాతం చాలా తక్కువుగా ఉందన్నారు. డిపో అభివృద్ధికి ప్రతిఒక్కరు కృషి చేయాలన్నారు. త్వరలో ఉదయగిరి- పోరుమామిళ్ళ మార్గంలో బస్సు సర్వీసు నడిపేలా చర్యలు చేపడతున్నామన్నారు. అనంతరం డిపో అధికారు లు, కార్మికులు ఆయన్ను సన్మానించారు. ఈ కార్యక్రమంలో డిపో మేనేజర్ రమేష్ కు మార్, సీఐ నాగభూషణం, సిబ్బంది, కార్మికులు తదితరులు పాల్గొన్నారు.