డీసీసీబీ లో జవాబుదారీ విధానం పెంచుతాం

విజయనగరం ప్రతినిధి మేజర్ న్యూస్ : శుక్రవారం తప్పులు జరిగినట్లు ఆరోపణలు ఉన్న సహకార సంఘాల్లోనూ సమగ్ర దర్యాప్తు చేపడతామని నాగార్జున తెలిపారు. విచారణలో బాధ్యులుగా తేలిన వారిపై చట్టపరమైన చర్యలు తీసుకుంటామని, తప్పు చేసిన వారిని ఎట్టి పరిస్థితుల్లోనూ వదిలిపెట్టబోమని స్పష్టం చేశారు. తద్వారా వసూలు చేసిన డబ్బును జిల్లాలోని రైతాంగం కోసం ఉపయోగించి ప్రజలకు, రైతులకు డీసీసీబీపై నమ్మకం కల్పించడమే తమ ప్రధాన లక్ష్యమన్నారు. 0.5% వడ్డీ తగ్గింపు రైతులకు ఆర్థికంగా అండగా నిలిచేందుకు ఎకరాకు ఋణ పరిమితిని రూ.5 లక్షల నుంచి రూ.7 లక్షల వరకు పెంచినట్లు తెలిపారు. రుణాలపై వడ్డీ రేటును 12 శాతం నుంచి 11.5 శాతానికి తగ్గించటం వలన డీసీసీబీ పై 5 కోట్ల భారం పడిందని పేరొన్నారు. నాబార్డ్ వారు ఇస్తున్న ప్రతి రూపాయి కూడా పూర్తి పరదర్సకతతో డీసీసీబీ ద్వారా రైతాంగానికి రుణాలు మంజూరు చేస్తున్నాము. ఋణాల మంజూరులో ఎవరైనా లంచాలకు పాల్పడితే తనకి నేరుగా ఫిర్యాదు చేయవచ్చని, అలాంటి వాటిపై కఠిన చర్యలు తీసుకుంటామని తెలిపారు. ప్రతి డిసిసిబి బ్రాంచ్ కు బహుళ న్యాయ సలహాదారులు సంస్థాగత సంస్కరణలో భాగంగా సహకార సంఘాలు,డిసిసిబి శాఖల ఋణాలకు సంబంధించిన న్యాయపరమైన సమస్యల పరిష్కారానికి ఇది వరకు మూడు డీసీసీబీ బ్రాంచ్ లకు గాను ఉన్న ఒక్క న్యాయ సలహాదారుడిని  పెంచుతూ  ప్రతి డీసీసీబీ శాఖకు ఇద్దరు లేదా ముగ్గురు న్యాయ సలహాదారులను నియమిస్తున్నామని దీనివల్ల న్యాయపరమైన అడ్డంకులకు త్వరితగతిన పరస్కారం కలుగుతుంది అని నాగార్జున వెల్లడించారు.

గ్రీవెన్స్‌కు స్పందన : ప్రజలు, రైతులు, సహకార సంఘాల ప్రతినిధుల సమస్యల పరిష్కారం కోసం నిర్వహిస్తున్న గ్రీవెన్స్ కార్యక్రమానికి మంచి స్పందన లభించిందని నాగార్జున తెలిపారు. అందిన వినతులను పరిశీలించి, పరిష్కారానికి చర్యలు తీసుకుంటున్నట్లు పేర్కొన్నారు.