డాక్టర్ యస్ ఆర్ జె డిగ్రీ కళాశాలలో ఫ్రెషర్స్ డే

ఆత్మకూరు, మేజర్ న్యూస్ :  ఆత్మకూరులోని డాక్టర్ ఎస్ ఆర్ జె డిగ్రీ కాలేజీ లో శుక్రవారం ఫ్రెషర్స్ డే వేడుకలను ఘనంగా నిర్వహించారు.మధుసూదన్ రెడ్డి, ఇన్చార్జి ప్రిన్సిపాల్ డా. టి శ్రీనివాసులు రెడ్డి, ప్రోగ్రాం ఆర్గనైజర్ మరియు వ్యాఖ్యాత గా కళాశాల పిడి సిరిమామిళ్ళ వెంకటేశ్వర్లు వ్యవహరిస్తూ పాల్గొన్నారు. ఈ కార్యక్రమాన్ని ఉద్దేశించి మధుసూదన్ రెడ్డి శ్రీనివాసులు రెడ్డి మాట్లాడుతూ విద్యార్థులు ఎన్నో ఆశలు ఆశయాలతో కళాశాలల్లో ప్రవేశం పొందుతారని దానికి అనుగుణంగా విద్యార్థులను ప్రోత్సహించి తీర్చిదిద్దడానికి అధ్యాపకులు అలుపెరుగని కృషి చేస్తారన్నారు. చదువంటే మార్కులు సాధించడం మాత్రమే కాదని, సమాజం పట్ల అవగాహన పెంచుకోవడం, విజ్ఞానాన్ని పెంపొందించుకోవడం, లీడర్ షిప్ పెంపొందించుకోవడానికి అవసరమైన క్రీడల్లో పాల్గొనడం మరియు  
కో కరికులార్ యాక్టివిటీస్లో పాల్గొనేలా ప్రోత్సహించాలన్నారు. డిగ్రీ పూర్తయ్యే నాటికి విద్యార్థులు తమ తమ నైపుణ్యాలను పెంపొందించుకోవాలని ఉద్యోగ అవకాశాలను అందిపుచ్చుకొనేలా తయారవ్వాలన్నారు. 
పిడి సిరిమామిళ్ళ వెంకటేశ్వర్లు మాట్లాడుతూ 
విద్యాలయాల్లో అధ్యాపకులు విద్యార్థుల హృదయాల్లో జ్ఞాన జ్యోతులను వెలిగించి జీవిత పర్యంతం వారు ఉన్నత ప్రమాణాలతో ఉన్నతమైన జీవితాన్ని గడిపేలా తీర్చిదిద్దుతారన్నారు. మధ్య మధ్యలో సిరిమామిళ్ళ కవితలు విద్యార్థులను సభికులను విశేషంగా ఆకట్టుకున్నాయి. ఆయన చెప్పిన కవిత 
                  “అమ్మంటే”
తన మాంసం, నెత్తురు ముద్దగ చేసి,
ప్రకృతి మెచ్చిన ఆకృతిగ  మలచి,
జన్మనిచ్చే అమృత భాండం "అమ్మ"
ముసి,ముసి నవ్వులు పూయించి,
బుడి,బుడి అడుగులు వేయించి,
బ్రతుకు పాఠం నేర్పేది "అమ్మ"
పుట్టిన బిడ్డలు యింతింతై తనముందే..
తననుమించి ఎదుగుతుంటే...
తన్మయత్వంతో పరవసించేది "అమ్మ"
ఒక్క మాటలో చెప్పాలంటే....
తన బిడ్డల ఆయురారోగ్యాలకోసం
తను వాలిపోతూ...
"అమృతం" పూచే కోమ్మరా "అమ్మ" అని విన్పించారు.
ఈ కార్యక్రమంలో అద్యాపకులు రమణయ్య, 
కాత్యాయని, సుప్రియ, వెంకట్రావు, శ్రీనివాసులు, 
వి. రవీంద్ర, రాజమోహన్, విజయ కుమారి, కొండయ్య మరియు విద్యార్థులు పాల్గొన్నారు.