చంద్రగిరిలో 'మ్యూజికల్ చైర్'లా ఎంపీడీవో కుర్చీ: ఇన్-ఛార్జిల చేతుల్లోనే స్థానిక సంస్థల ఎన్నికల నిర్వహణ?

తిరుపతి రెవెన్యూ మేజర్ న్యూస్ :తిరుపతి జిల్లా చంద్రగిరి మండలంలో ఎంపీడీవో (మండల పరిషత్ అభివృద్ధి అధికారి) పోస్టు పరిస్థితి 'మ్యూజికల్ చైర్' ఆటకు నిదర్శనంగా మారింది. కొంతకాలంగా ఇక్కడ పూర్తిస్థాయి, శాశ్వత అధికారి లేకపోవడంతో పరిపాలన నిరంతరం ఇన్‌ఛార్జి అధికారుల తోనే నెట్టుకొస్తున్నారు.

ఇప్పటివరకు ఒక అధికారి స్థిరంగా పనిచేసిన దాఖలాలు లేకపోగా, ఇటీవల పనిచేసిన ఎంపీడీవో కూడా హఠాత్తుగా సెలవుపై వెళ్లడంతో పరిస్థితి మళ్లీ మొదటికొచ్చింది. స్థానిక సంస్థల ఎన్నికల ప్రక్రియ కొనసాగుతున్న కీలక సమయంలో కీలకమైన మండల పరిపాలన బాధ్యతలను మళ్లీ ఇన్‌ఛార్జి అధికారికి అప్పగించాల్సిన దుస్థితి ఏర్పడింది. ఎన్నికల నిర్వహణ, అధికార యంత్రాంగ సమన్వయం, క్షేత్రస్థాయి సమస్యల పరిష్కారంలో పూర్తిస్థాయి అధికారి లేకపోవడం పాలనపై ప్రభావం చూపుతోందని స్థానికులు, ప్రజాప్రతినిధులు అసంతృప్తి వ్యక్తం చేస్తున్నారు.

కె రాజేష్ రిపోర్టర్ తిరుపతి