చిన్నారుల సమగ్ర వికాసమే లక్ష్యం! * సిడిపిఓ ఎల్.సుజాత *

బాడంగి, సూర్య : చిన్నారులకు పౌష్టికాహారంతో పాటు నాణ్యమైన పూర్వ ప్రాథమిక విద్యను అందించడమే లక్ష్యంగా బాడంగి ఐసీడీఎస్ ప్రాజెక్టు ఆధ్వర్యంలో సోమవారం అంగన్వాడీ కార్యకర్తలకు ‘పోషణ్ భీ పఢాయి భీ’ రెండో విడత శిక్షణ కార్యక్రమాన్ని నిర్వహించారు. బాడంగి పీఎం శ్రీ జిల్లా పరిషత్ ఉన్నత పాఠశాలలో ప్రాజెక్టు సీడీపీఓ ఎల్. సుజాత ఆధ్వర్యంలో జరిగిన ఈ కార్యక్రమంలో మండల పరిధిలోని అన్ని అంగన్వాడీ కేంద్రాల కార్యకర్తలు పాల్గొన్నారు. ఈ సందర్భంగా సిడిపిఓ ఎల్ సుజాత మాట్లాడుతూ అంగన్వాడీ కేంద్రాలను కేవలం పౌష్టికాహార పంపిణీ కేంద్రాలుగా కాకుండా చిన్నారుల సమగ్ర అభివృద్ధికి దోహదపడే నాణ్యమైన పూర్వ ప్రాథమిక విద్యా కేంద్రాలుగా తీర్చిదిద్దడమే ఈ శిక్షణ ముఖ్య ఉద్దేశమని సీడీపీఓ  తెలిపారు. శిక్షణలో నేర్చుకున్న అంశాలను అంగన్వాడీ కేంద్రాల్లో సమర్థవంతంగా అమలు చేసి చిన్నారులకు మెరుగైన సేవలు అందించాలని ఆమె సూచించారు. అనంతరంచిన్నారుల వయస్సుకు అనుగుణంగా వారి శారీరక, మానసిక, మేధో వికాసాన్ని పెంపొందించే బోధనా పద్ధతులపై అంగన్వాడి సూపర్వైజర్లు అయినా ఫెసిల్ టేటర్ ఎస్ కే గౌరమ్మ కో ఫెసిలి టేటర్స్ వై వి నాగమణి ఏ శ్రీదేవి మొదటిరోజు శిక్షణ ఇచ్చారు. మూడు సంవత్సరాలలోపు పిల్లల్లో మెదడు వికాసానికి అవసరమైన తొలిదశ ఉద్దీపన, ఇంట్లో లభించే సాధారణ వస్తువులతో బోధనా ఉపకరణాల తయారీ, ‘నవచేతన’ క్యాలెండర్ వినియోగంపై వివరించారు. మూడు నుంచి ఆరు సంవత్సరాల చిన్నారులకు ‘ఆధారశిల’ పాఠ్య ప్రణాళిక ఆధారంగా ఆటపాటలతో ఆనందదాయకమైన విద్యను అందించే విధానాలను తెలియజేశారు.
అదేవిధంగా పిల్లల్లో ఎదుగుదల లోపాలు, అభివృద్ధిలో జాప్యాన్ని తొలిదశలోనే గుర్తించడం, అవసరమైన వారికి ఆర్‌బీఎస్‌కే వైద్య బృందాల ద్వారా వైద్య సేవలు అందేలా చూడటంపై అవగాహన కల్పించారు. పోషణ్ ట్రాకర్ ద్వారా పిల్లల ఎదుగుదల పర్యవేక్షణ, ముఖ గుర్తింపు విధానం, అంగన్వాడీ కేంద్రాల జియో ట్యాగింగ్, గృహ సందర్శనల వివరాల నమోదు వంటి డిజిటల్ సేవల వినియోగంపై ప్రత్యక్ష శిక్షణ అందించారు.