తుఫాను బాధితులకు బసాయి ఫుడ్స్‌ చేయూత
ఇంకొల్లు, మేజర్‌న్యూస్‌ :
మురసు తుఫాను ధాటికి నష్టపోయిన ఇంకొల్లు మండలం గొల్లపాలెం గ్రామస్తులకు గొల్లపాలెంలో బసాయిఫుడ్స్‌రు. 55 వేల ఆర్దిక సాయం అందించింది. తుఫాను ధాటికి సర్వం కోల్పోయిన 10 మందిని గుర్తించి ఒక్కొక్కరికి రు. 5 వేల చొప్పున నగదు అందించారు. తుఫాను కారణంగా మృతి చెందిన గ్రామానికి చెందిన వేటగిరి కోటేశ్వరరావుకు రు. 5 వేలు ఆర్థిక సాయాన్ని కుటుంబ సభ్యులకు అందజేశారు. వ్యాపారమే కాకుండా ఇలాంటి విపక్తర పరిస్థితుల్లో సేవా ధృక్పధంతో బసాయి సంస్ధ పని చేస్తుందని సంస్ధ ఎం.డి జ్యోతి వివరించారు. అనంతరం అన్నదాన కార్యక్రమాన్ని ఏర్పాటు చేశారు. ఈ సందర్భంగా ఏర్పాటు చేసిన సభకు ఇంకొల్లు జిల్లా పరిషత్‌ ఉన్నత పాఠశాల ప్రధానోపాధ్యాయులు గోగినేని బాలకృష్ణ అధ్యక్షత వహించారు. గ్రామీణ ప్రాంతాల్లో ఉపాధితోపాటు ఇలాంటి సేవా కార్యక్రమాలు చేపడుతున్న బసాయి సంస్థ చైర్మన్‌ కోటపాటి వినోద్‌ ను గ్రామస్తుల పక్షాన అభినందించారు. కార్యక్రమంలో గ్రామ ప్రముఖులు సి.హెచ్‌ గోపాలకృష్ణ, వెనిగండ్ల వెంకటేశ్వర్లు, చందు, సిబ్బంది పాల్గొన్నారు.
సూర్య రిపోర్టర్‌ : షేక్‌ జానిభాష, ఇంకొల్లు.
