చినమాచనూరులో టిడిపి ప్రచార జోరు

మర్రిపాడు మేజర్ న్యూస్ :    మర్రిపాడు మండలంలోని చినమాచనూరు సెగ్మెంట్లో తెలుగుదేశంపార్టీ తరుపున పోటీ చేస్తున్న ఎంపీటీసీ అభ్యర్థి ఒంగోలు సుబ్బారెడ్డి గత మూడు రోజులగా ప్రచారం జోరుగా సాగిస్తున్నారు. ఈ తరుణంలో ఆ ప్రాదేశికంలో ఉన్నటువంటి పోలిరెడ్డిపల్లి, నెర్ధనంపాడు, నాగరాజుపాడు, పెదమాచునూరు, కదిరినేనిపల్లి తదితర గ్రామాల్లో కూటమి ప్రచారం విస్తృతంగా నిర్వహిస్తున్నారు. ఈ ప్రచార నేపథ్యంలో ఓటర్ల వద్దకు వెళ్లి ఎంపీటీసీ అభ్యర్థిగా పోటీ చేస్తున్న తనతో పాటుగా జడ్పిటిసి అభ్యర్థిగా పోటీ చేస్తున్న గంగినేని ప్రసన్నను గెలిపించాలని ప్రార్థించారు. దీంతోపాటుగా కరపత్రాలను పంపిణీ చేస్తూ సైకిల్ గుర్తుపై ఓటు వేయాలని అభ్యర్థించారు. అలాగే రాష్ట్రంలో కూటమి ప్రభుత్వం చేస్తుంటివంటి అభివృద్ధి కార్యక్రమాలను ఓటర్లకు వివరిస్తూ ముందుకు సాగుతున్నారు. మర్రిపాడు మండలంలోని అతి పెద్ద సెగ్మెంట్ గా ఉన్నటువంటి తెలుగుదేశం పార్టీ ప్రచారంలో ఆయా గ్రామాల నుంచి ప్రజలు స్వచ్ఛందంగా పాల్గొంటున్నడంతో టిడిపి అభ్యర్థితో పాటు జడ్పిటిసి అభ్యర్థి కూడా అఖండ మెజార్టీతో గెలుపొందడం ఖాయమని పలువురు అభిప్రాయం వ్యక్తం చేస్తున్నారు. ఈ ప్రచారంలో మండల కేంద్ర టిడిపి నాయకులు తెలుగుదేశం పార్టీ మండల రైతు సంఘం నాయకులు మాలపాటి వెంకటేశ్వర్లు, ముప్పాళ్ళ వెంకట చౌదరి, మర్రిపాడు మాజీ సర్పంచ్ మానం వెంకటేశ్వర్లు లతోపాటుగా ఆ సెగ్మెంట్ టిడిపి నాయకులు తమటం ఈశ్వర్ రెడ్డి, కోడూరు బ్రహ్మచారి, తలపనేని శ్రీనివాసులునాయుడు, మాజీ ఎంపీటీసీ ఇoడేలా ఓబుల్ రెడ్డి, మండవ రామ్మోహన్ నాయుడు తదితర నాయకులు కార్యకర్తలు అభిమానులు పాల్గొన్నారు.