చెప్పాం చేస్తున్నాం పోస్ట్ ఆవిష్కరణ - పోస్టర్ ఆవిష్కరిస్తున్న మంత్రి సత్యప్రసాద్

 ‎రేపల్లె మేజర్ న్యూస్; ఆంధ్రప్రదేశ్ కూటమి ప్రభుత్వం చేపడుతున్న పలు అభివృద్ధి, సంక్షేమ కార్యక్రమాలను నేరుగా ప్రజల్లోకి తీసుకెళ్లేందుకు రేపల్లె పట్టణంలో చెప్పాం చేస్తున్నాం ప్రచారాన్ని ఘనంగా ప్రారంభించారు. ఈ ప్రత్యేక ప్రచార కార్యక్రమానికి సంబంధించిన పోస్టర్‌ను రెవెన్యూ మంత్రి అనగాని సత్యప్రసాద్  ఆవిష్కరించారు. హామీలు నెరవేరుస్తున్నాం. పోస్టర్ ఆవిష్కరణ అనంతరం మంత్రి సత్య ప్రసాద్   మాట్లాడుతూ ముఖ్యమంత్రి నారా చంద్రబాబు నాయుడు నాయకత్వంలో కూటమి ప్రభుత్వం ఎన్నికల ముందు ప్రజలకు ఇచ్చిన హామీలను వరుసగా నెరవేరుస్తోందని పేర్కొన్నారు. రాష్ట్రంలో సంక్షేమానికి, మౌలిక వసతుల కల్పనకు ప్రాధాన్యమిస్తూ పాలన అందిస్తున్నామని స్పష్టం చేశారు. ప్రజల నమ్మకాన్ని నిలబెట్టుకుంటూ సుపరిపాలన అందించడమే తమ లక్ష్యమని తెలిపారు. ప్రజా సంక్షేమమే ధ్యేయంగా సాగుతున్న తమ ప్రభుత్వ పనితీరును ప్రతీ కుటుంబానికి తెలియజేయడమే ఈ కార్యక్రమ ముఖ్య ఉద్దేశమని వెల్లడించారు. ఈ కార్యక్రమంలో టిడిపి నాయకులు కార్యకర్తలు పాల్గొన్నారు.