గిద్ద పెరుమాండ్ల టెంపుల్‌లో జమ్మి పూజలో పాల్గొన్న ఆకుల నరసన్న పటేల్
సూర్య కరీంనగర్: విజయదశమి పర్వదినాన్ని పురస్కరించుకుని కరీంనగర్‌లోని గిద్ద పెరుమాండ్ల టెంపుల్ వద్ద నిర్వహించిన జమ్మి పూజ కార్యక్రమంలో వ్యవసాయ మార్కెట్ కమిటీ చైర్మన్ ఆకుల నరసన్న పటేల్ పాల్గొన్నారు. రాష్ట్ర మంత్రి పొన్నం ప్రభాకర్, కరీంనగర్ ఎమ్మెల్యే గంగుల కమలాకర్‌తో కలిసి ఆలయంలో ప్రత్యేక పూజలు నిర్వహించారు. ఈ సందర్భంగా నాయకులు ప్రజలకు దసరా, విజయదశమి శుభాకాంక్షలు తెలియజేశారు.
మంత్రి పొన్నం ప్రభాకర్ మాట్లాడుతూ, ఢిల్లీలో నెలకొన్న సమస్యలపై తన అభిప్రాయాలను వ్యక్తం చేశారు. అనంతరం కరీంనగర్ ప్రజలందరికీ విజయదశమి శుభాకాంక్షలు తెలియజేశారు.
ఈ సందర్భంగా ఏఎంసీ చైర్మన్ ఆకుల నరసన్న పటేల్ మాట్లాడుతూ, దసరా పండుగ ప్రజల జీవితాల్లో కొత్త వెలుగులు నింపాలని, ప్రతి కుటుంబంలో సుఖసంతోషాలు, శాంతి, సౌభాగ్యాలు వెల్లివిరియాలని ఆకాంక్షించారు. కరీంనగర్ ప్రజలందరికీ దసరా, విజయదశమి శుభాకాంక్షలు తెలియజేస్తూ, ప్రజలందరూ ఆయురారోగ్యాలతో, ఆనందంగా ఉండాలని కోరుకున్నారు.
ఈ కార్యక్రమంలో రాష్ట్ర మున్నూరు కాపు కార్పొరేషన్ చైర్మన్ బొమ్మ శ్రీరామ్ చక్రవర్తి, మాజీ ఎమ్మెల్యే సత్యనారాయణ గౌడ్, కరీంనగర్ అర్బన్ డీసీసీ అధ్యక్షుడు అంజన్ కుమార్, కరీంనగర్ గ్రంథాలయ సంస్థ చైర్మన్ సత్తు మల్లేశం, మాజీ సుడా చైర్మన్ కోమటిరెడ్డి నరేందర్ రెడ్డి, 11వ డివిజన్ కార్పొరేటర్ ఆకుల నర్మద నరసన్న, 9వ డివిజన్ కార్పొరేటర్ పరిషెట్టి భూమయ్య, 64వ డివిజన్ కార్పొరేటర్ శ్రీజ అజయ్, బీఆర్‌ఎస్ కార్పొరేషన్ చైర్మన్ హరిశంకర్, మాజీ మేయర్ రవీందర్ సింగ్, ఎండోమెంట్స్ అసిస్టెంట్ కమిషనర్ సువార్త, ఆలయ ఈవో, ఇతర కార్పొరేటర్లు, ఆలయ అధికారులు, కాంగ్రెస్ పార్టీ నాయకులు, కార్యకర్తలు, స్థానిక ప్రజలు తదితరులు పాల్గొన్నారు.
