బ్రిక్స్ వారోత్సవాలు ప్రారంభం

నేటి దినపత్రిక సూర్య బ్యూరో రాజమహేంద్రవరంమండలంలో  బ్రిక్స్ వారోత్సవాలు  పెరవలి ప్రాథమిక ఆరోగ్య కేంద్రం వద్ద వైద్యులు డాక్టర్ రాజనాల ప్రసాద్ ఆధ్వర్యంలో జరిగాయి. వారోత్సవాల్లో భాగంగా సోమవారం ఇంధన పొదుపు  అంశంపై అవగాహన కార్యక్రమాలు నిర్వహించారు. పెరవలి ప్రాథమిక ఆరోగ్య కేంద్రంతో పాటు పెరవలి, కాపవరం, అజ్జరం, మల్లేశ్వరం, అన్నవరప్పాడు తదితర ఆయుష్మాన్ ఆరోగ్య మందిరాల్లో ఈ కార్యక్రమాలు చేపట్టినట్లు వెల్లడించారు.ఇంధనాన్ని వృథా చేయకుండా పొదుపుగా వినియోగించుకోవడం, విద్యుత్ ఆదా చేయడం, ఇంధన వనరుల ప్రాముఖ్యతపై ప్రజలకు అవగాహన కల్పించినట్లు తెలిపారు.బ్రిక్స్ వారోత్సవాల్లో భాగంగా ఈనెల 7 వరకు మండలంలోని వివిధ ఆరోగ్య కేంద్రాలు, ఆయుష్మాన్ ఆరోగ్య మందిరాల్లో షెడ్యూల్ ప్రకారం రోజుకో అంశంపై వివిధ అవగాహన కార్యక్రమాలు నిర్వహించనున్నట్లు డాక్టర్ రాజనాల ప్రసాద్ వివరించారు.