బొబ్బేపల్లిలో టీడీపీలోకి భారీగా చేరికలు

మార్టూరు, మేజర్‌న్యూస్‌ :
ఎమ్మెల్యే ఏలూరి సాంబశివరావు సమక్షంలో బొబ్బేపల్లి గ్రామానికి చెందిన 30 కుటుంబాలు తెలుగుదేశం పార్టీలో చేరాయి. పార్టీలో చేరిన వారికి ఎమ్మెల్యే ఏలూరి తెలుగుదేశం పార్టీ కండువాలు కప్పి సాదరంగా ఆహ్వానించారు. కూటమి ప్రభుత్వ పాలన, నియోజకవర్గంలో జరుగుతున్న అభివృద్ధి కార్యక్రమాలు, ప్రజా సంక్షేమ పథకాల పట్ల ఆకర్షితులై పార్టీలో చేరినట్లు వారు తెలిపారు.ఈ సందర్భంగా ఎమ్మెల్యే ఏలూరి మాట్లాడుతూ బొబ్బేపల్లి గ్రామాన్ని అన్ని రంగాల్లో అభివృద్ధి చేసేందుకు కృషి చేస్తానని హామీ ఇచ్చారు. గ్రామంలో మౌలిక సదుపాయాల కల్పనకు, ప్రజల సమస్యల పరిష్కారానికి ప్రాధాన్యత ఇస్తానన్నారు. గ్రామాభివృద్ధిలో ప్రతి ఒక్కరినీ భాగస్వాములను చేస్తూ ముందుకు సాగుతామని పేర్కొన్నారు. తెలుగుదేశం పార్టీ ప్రజా సంక్షేమం, అభివృద్ధికి కట్టుబడి పనిచేస్తుందని తెలిపారు. టీడీపీలో చేరిన వారిలో మాజీ ఎంపీటీసీ దండా హరిబాబు, మాజీ ఉపసర్పంచులు సయ్యద్ మౌలాలి,షేక్ మాబు సుభాని,  నాయకులు పఠాన్ రఫీ ఖాన్, పఠాన్ మహబూబ్ సుభాని, షేక్ ఖాదర్ బాబు, పఠాన్ వలి, పఠాన్ ఫైజుల్లా, పఠాన్ మస్తాన్ వలి, కుంచపు అంజిబాబు, తన్నీరు ముసలయ్య, యాగంటి హరిబాబు, దండా అశోక్, చాగంటి కోటేశ్వరరావు, షేక్ బాషా, దండా రాజేష్, కుంచపు హనుమంతరావు, వల్లెపు సాయి, దండా సురేష్ తదితరులు ఉన్నారు. ఈ కార్యక్రమంలో నాయకులు సాంబయ్య, శరత్, రామారావు, గంగా వీరయ్య, దండా శ్రీనివాసరావు, సుబ్బారావు, కోటేశ్వరరావు, ఉమా మహేశ్వర రావు,తాటి నాగేశ్వరరావు, శివరాత్రి శ్రీనివాసరావు, షేక్ రజాక్, జనార్ధన్, వసంతరావు తదితరులు పాల్గొన్నారు.