బిజెపి ఉచిత మెగావైద్యశిబిరం విజయవంతం

సిఎస్ పురం,మేజర్ న్యూస్ :   ,ప్రధానమంత్రి నరేంద్రమోడీ జన్మదిన వేడుకల సందర్భంగా బీజేపీ అధ్వర్యంలో సేవాసంకల్ఫ్ అభియాన్ కార్యక్రమంలో భాగంగా ఆదివారం మండలకేంద్రమైన సిఎస్ పురంలోని బెల్లంకొండ విద్యామందిర్ ఆవరణలో పామూరు పట్టణానికి చెందిన శ్రీవేంకటేశ్వర వైద్యశాల సహకారంతో నిర్వహించిన ఉచిత మెగా వైద్యశిబిరం మండల బిజెపి అధ్యక్షుడు పాశంరామకృష్ణ నేతృత్వంలో విజయవంతంగా నిర్వహించారు. ఈసందర్భంగా ముందుగా బిజెపి నియోజకవర్గ నేత కొండిశెట్టి వెంకటరమణయ్య పలువురు నాయకులు మాట్లాడుతూ ప్రధానమంత్రి నరేంద్రమోడీ జన్మదిన వేడుకల్లో భాగంగా సేవా సంకల్ప్ కార్యక్రమాలు నెలరోజుల పాటు నిర్వహిస్తున్నట్లు అందులో భాగంగా ప్రజలకు ఉచితంగా వైద్యశిబిరాలు నిర్వహిస్తున్నట్లు అదేవిధంగా దేశాభివృద్ధికి ప్రజాసంక్షేమానికి కృషిచేస్తున్న ఎన్డీఏ కూటమి ప్రభుత్వం ప్రధానమంత్రి నరేంద్రమోడీ వికసిత్ భారత్ 2047 లక్ష్యంగా అనేక అభివృద్ధి కార్యక్రమాలు నిర్వహిస్తున్నట్లు అన్నారు. ఈసందర్భంగా ప్రముఖ3ఎముకలు కీళ్ల వైద్యనిపుణులు డాక్టర్ పి.శ్రీనాధ్,పామూరు అరుణ కంటి వైద్యనిపుణులు డాక్టర్ వై.శ్రీనివాసరావు,పామూరు శ్రీవేంకటేశ్వర వైద్యశాలకు చెందిన డాక్టర్ కొట్టేసురేష్,పామూరు సెవెన్ హిల్స్ దంత వైద్యశాల నిపుణులు డాక్టర్ కాలేవెంకట్,పామూరు శ్రీనివాస పిజియోథెరపీ వైద్యులు డాక్టర్ శ్రీనివాసమూర్తి,డాక్టర్ గౌతమి వైద్యశిబిరం నందు పలువురికి వివిధ రకాల వైద్యసేవలు అందించి ఉచితంగా మందులు పంపిణీ చేశారు.ఈసందర్భంగా మారుమూల ప్రాంతమైన మండలంలో ఉచిత వైద్యశిబిరం నిర్వహించిన డాక్టర్ల బృందానికి బిజెపి నాయకులకు స్థానిక ప్రజలు అభినందనలు తెలిపారు. ఈకార్యక్రమంలో వైద్య నిపుణుల బృందం,నియోజకవర్గ బిజెపినేత కొండిశెట్టి వెంకటరమణయ్య,మండల బిజెపి అధ్యక్షుడు పాశం రామకృష్ణ,బిజెపి జిల్లాప్రధానకార్యదర్శి మాదినేని లక్ష్మణ్, జిల్లాఉపాధ్యక్షుడు నరాలశ్రీనివాసరెడ్డి,జె.సుబ్బయ్య, ఇండ్ల దుర్గాప్రసాద్,టి.శ్రీనివాసులురెడ్డి,నరసింహులు,రాయుడు,వెలిగొండయ్య పలువురు కార్యకర్తలు స్థానికులు పాల్గొన్నారు.