భూసమస్యలను పరిష్కరించండి : శేషం సుదర్శన్

అనంతసాగరం, మేజర్ న్యూస్  :      మండలం తహసిల్దార్ వీర వసంతరావును జిల్లా విజిలెన్స్ మానిటరింగ్ కమిటీ సభ్యులు శేషం సుదర్శన్ మర్యాదపూర్వకంగా కలిసి వివిధ భూసమస్యలను వివరించారు. ఈ సందర్భంగా శేషం సుదర్శన్ మాట్లాడుతూ మండలంలోని గ్రామాల్లో ఉన్న పెండింగ్ లో ఉన్న చిన్న, సన్నకారు రైతులు, పేదల భూములకు సంబంధించిన రికార్డుల విషయంలో ఉన్న అవకతవకలను పరిష్కరించాలని కోరారు. ప్రతి నెల చివరి వారంలో గ్రామాల్లో  నిర్వహించే పౌర హక్కుల దినోత్సవం కార్యక్రమాలకు మండల పరిధిలోని అన్ని శాఖలకు సంబంధించిన అధికారులు సక్రమంగా హాజరయ్యేలా చర్యలు తీసుకోవాలని కోరారు. అంతేకాకుండా జిల్లా కలెక్టర్ ప్రతిష్టాత్మకంగా చేపడుతున్న వన్ మంత్ వన్ విలేజ్ ఫోర్ విజిట్స్ కార్యక్రమాన్ని గ్రామాలలో నిర్వహించి రెవెన్యూ సమస్యలు పరిష్కరించేలా చర్యలు చేపట్టాలని ఎమ్మార్వో వివరించారు. అంతేకాకుండా మహిళల భద్రత విషయాల్లో ప్రత్యేక చొరవ తీసుకొని గ్రామ సచివాలయాల్లో ఉన్న మహిళా పోలీసుల ద్వారా అవగాహన కార్యక్రమాలు చేపట్టాలని కోరారు. అలాగే రాష్ట్ర ప్రభుత్వం ప్రతిష్టాత్మకంగా చేపడుతున్న సంక్షేమ పథకాలు ప్రజలకు అందడంలో గ్రామ సచివాలయంలోని అధికారులు ప్రత్యేకమైన చొరవతో పనిచేసేలా తగు ఆదేశాలు జారీ చేయాలని ఎమ్మార్వో కి సూచించారు. ఈ కార్యక్రమాలు శేషం సుదర్శన్ తో పాటు మినగల్లు కి సంబంధించిన రైతులు పాల్గొన్నారు.