భివృద్ధే మనల్ని గెలిపిస్తుంది

నెల్లూరు, కార్పొరేషన్, మేజర్ న్యూస్ :  నెల్లూరులో గత రెండేళ్లలో మంత్రి నారాయణ, ఎంపీ వేమిరెడ్డి ప్రభాకర్ రెడ్డి, రూరల్ ఎమ్మెల్యే కోటంరెడ్డి శ్రీధర్ రెడ్డి నాయకత్వంలో చేపట్టిన అభివృద్ధి, సంక్షేమ కార్యక్రమాలు కూటమి అభ్యర్థుల భారీ విజయాన్ని ఖాయం చేస్తాయని టీడీపీ మేయర్ అభ్యర్థి పి. రూప్ కుమార్ యాదవ్ ధీమా వ్యక్తం చేశారు. ఆదివారం నగరంలోని డి.ఎస్.ఆర్  పాఠశాలలో ఏర్పాటు చేసిన పోలింగ్ కేంద్రంలో ఆయన తన ఓటు హక్కును  వినియోగించుకున్న అనంతరం మీడియాతో మాట్లాడుతూ, స్థానిక నాయకుల సమష్టి కృషితో నగరం అన్ని రంగాల్లోనూ శరవేగంగా అభివృద్ధి చెందుతోందని, అభివృద్ధికి పట్టం కట్టేందుకు ప్రజలందరూ తమ ఓటును టీడీపీకే వేస్తామని స్వచ్ఛందంగా ముందుకు వస్తున్నారని పేర్కొన్నారు. కూటమి అభ్యర్థుల విజయమే లక్ష్యంగా ప్రతి ఒక్కరూ బాధ్యతగా తమ ఓటు హక్కును వినియోగించుకోవాలని పిలుపునిచ్చిన ఆయన, ఈఎన్నికల్లో ప్రజలు ఇస్తున్న ఈ తీర్పుతో ప్రతిపక్ష పార్టీల అడ్రస్ గల్లంతు కావడం నూటికి నూరుపాళ్లు ఖాయమని స్పష్టం చేశారు. ఈ కార్యక్రమంలో  54 డివిజన్ టిడిపి కార్పొరేటర్ అభ్యర్థి అన్నంగి సమత ఉన్నారు.