భక్తులకు పకడ్బందీ ఏర్పాట్లు చేయాలి: మంత్రి అచ్చెన్నాయుడు

కోటబొమ్మాళి, నవంబర్ 15, మేజర్ న్యూస్: 

కార్తీక మాసం తొలి సోమవారాన్ని పురస్కరించుకుని జిల్లాలోని ప్రముఖ పుణ్యక్షేత్రాలకు తరలివచ్చే భక్తులకు ఎలాంటి అసౌకర్యం కలగకుండా విస్తృత ఏర్పాట్లు చేయాలని రాష్ట్ర వ్యవసాయ, పశుసంవర్ధక, మత్స్య శాఖల మంత్రి కింజరాపు అచ్చెన్నాయుడు అధికారులను ఆదేశించారు. శ్రీముఖలింగం, ఉమా రుద్రకోటేశ్వర ఆలయం, టెక్కలిలోని శ్రీ ఎండల మల్లికార్జున స్వామి ఆలయం, అరసవల్లి శ్రీ సూర్యనారాయణ స్వామి దేవాలయాలతో పాటు అన్ని శైవ క్షేత్రాల్లో భక్తుల రద్దీని దృష్టిలో ఉంచుకుని క్యూలైన్లు, తాగునీరు, ఇతర మౌలిక సదుపాయాలు కల్పించాలని ఆయన సూచించారు. స్వామివారి దర్శనం సులభతరంగా, త్వరితగతిన జరిగేలా చర్యలు తీసుకోవాలన్నారు. పోలీసు, రెవెన్యూ, దేవాదాయ శాఖల అధికారులు సమన్వయంతో పనిచేస్తూ రద్దీ నియంత్రణ, భద్రతా ఏర్పాట్లపై ప్రత్యేక దృష్టి సారించి, ముందస్తు ప్రణాళికతో ఏర్పాట్లను పూర్తి చేయాలని మంత్రి స్పష్టం చేశారు.

రిపోర్టర్

గంట అప్పన్న