బీసీలకు 34% రిజర్వేషన్లపై రాజీ లేదు : ఎమ్మెల్యే ఏలూరి సాంబశివరావు

ఇంకొల్లు, మేజర్‌న్యూస్‌ :వెనుకబడిన వర్గాలకు రాజకీయంగా చేయూతనిచ్చి, నాలుగు దశాబ్దాల క్రితమే వారికి అధికారంలో వాటా కల్పించిన పార్టీ తెలుగుదేశం. ఆ చారిత్రక బాధ్యతను విడిచిపెట్టబోమని ఎమ్మెల్యే ఏలూరి సాంబశివరావు స్పష్టం చేశారు. శుక్రవారం ఎమ్మెల్యే ఏలూరి క్యాంపు కార్యాలయంలో నాయకులు కార్యకర్తలతో సమావేశం నిర్వహించారు. స్థానిక సంస్థల ఎన్నికల్లో బీసీలకు 34% రిజర్వేషన్లు కల్పించేందుకు తెలుగుదేశం పార్టీ కట్టుబడి ఉందన్నారు. ఇది కేవలం రిజర్వేషన్ల అంశమే కాదని, బీసీలకు దక్కాల్సిన రాజకీయ ప్రాతినిధ్యమని పేర్కొన్నారు.