బీసీల ప్రయోజనాలను రాజకీయాలకు వాడుకోవద్దు

బీసీల కు రాజకీయ ప్రాతినిధ్యం, ఆర్థిక స్వావలంబన కల్పించడమే టిడిపి లక్ష్యం. 

నాడు ఎన్టీఆర్ నేడు చంద్రబాబుతోనే బీసీల అభివృద్ధి. 

బీసీల 34% రిజర్వేషన్ల కోసం సుప్రీంకోర్టును ఆశ్రయిస్తాం.

బీసీలను రాజకీయంగా ముందుకు తీసుకెళ్లింది టిడిపి నే. 

వైసీపీ హయాంలో 24 శాతానికి రిజర్వేషన్  తగ్గింపు.

బీసీల రాజకీయ సాధికారత అనేది టిడిపి సిద్ధాంతంలో భాగమే.

బీసీల సంక్షేమ అభివృద్ధి కోసం ఎంతవరకు అయినా న్యాయపోరాటం చేస్తాం. డాక్టర్ గొట్టిపాటి లక్ష్మి. 

దర్శి, మేజర్ న్యూస్: 

బీసీలకు స్థానిక సంస్థల ఎన్నికల్లో 34 శాతం రిజర్వేషన్ కల్పించేందుకు కూటమి ప్రభుత్వం నిబద్ధతతో ముందుకెళ్తుంటే గొడ్డలి పార్టీ అధినేత జగన్ ఆ పార్టీ నాయకులు కుట్రలు పన్నుతున్నారని నియోజకవర్గ టిడిపి ఇన్చార్జ్ డాక్టర్ గొట్టిపాటి లక్ష్మీ అన్నారు.

ఆంధ్రప్రదేశ్ స్థానిక సంస్థల ఎన్నికల్లో బీసీలకు 34 శాతం రిజర్వేషన్లు కల్పించాలన్నది తెలుగుదేశం పార్టీ ప్రభుత్వ సంకల్పమని  డాక్టర్ గొట్టిపాటి లక్ష్మీ  అన్నారు. 

 ఆమె మాట్లాడుతూ బీసీలకు న్యాయం జరిగేలా న్యాయపరంగా అందుబాటులో ఉన్న ప్రతి అవకాశాన్ని వినియోగించుకుంటామని స్పష్టం చేశారు.

బీసీలకు రాజకీయ ప్రాతినిధ్యం పెంచాలనే ఉద్దేశంతో కూటమి ప్రభుత్వం 34 శాతం రిజర్వేషన్లను పునరుద్ధరిస్తూ జీవో ఎంఎస్.105, జీవో ఆర్ టి నంబర్1065లను జారీ చేసిందని Dr గొట్టిపాటి లక్ష్మీ తెలిపారు. 

ఈ ఉత్తర్వులను సవాలు చేస్తూ దాఖలైన పిటిషన్లపై హైకోర్టు తాజాగా తీర్పు ఇచ్చిందని, ఈ నేపథ్యంలో బీసీలకు న్యాయం జరిగేలా రాష్ట్ర ప్రభుత్వం సుప్రీంకోర్టును ఆశ్రయించేందుకు సిద్ధంగా ఉందన్నారు.

బీసీలకు దక్కాల్సిన రాజకీయ ప్రాతినిధ్యం కేవలం రిజర్వేషన్ల అంశం కాదని, అది సామాజిక న్యాయం మరియు రాజకీయ సాధికారతకు సంబంధించిన అంశమని డాక్టర్ గొట్టిపాటి లక్ష్మీ  పేర్కొన్నారు. నాలుగు దశాబ్దాల క్రితమే తెలుగుదేశం పార్టీ బీసీలకు రాజకీయ ప్రాధాన్యత కల్పించిందని, 1987లో 20 శాతం, 1995లో 34 శాతం రిజర్వేషన్లకు చర్యలు తీసుకున్న విషయాన్ని దర్శి టిడిపి ఇంచార్జ్ గుర్తు చేశారు. 

హైకోర్టు తీర్పును గౌరవిస్తూనే, బీసీలకు న్యాయం జరిగేలా తదుపరి న్యాయపరమైన మార్గాలను అనుసరిస్తామనిడాక్టర్ గొట్టిపాటి లక్ష్మీ స్పష్టం చేశారు. బీసీల హక్కులు, రాజకీయ ప్రాతినిధ్యం కోసం అవసరమైన ప్రతి న్యాయపరమైన అవకాశాన్ని వినియోగించుకుంటామని డాక్టర్ లక్ష్మి తెలిపారు.