నాటి జ్ఞాపకాలు.. నేటి ఆత్మీయత

చౌటుప్పల్, మేజర్ న్యూస్:చౌటుప్పల్‌ మండలం కొయ్యలగూడెం జిల్లా పరిషత్ ఉన్నత పాఠశాలలో 2009–10 విద్యా సంవత్సరంలో పదో తరగతి చదివిన పూర్వ విద్యార్థుల ఆత్మీయ సమ్మేళనం రిక్కల సత్తిరెడ్డి ఫంక్షన్‌హాల్‌లో ఉత్సాహంగా నిర్వహించారు. ఏళ్ల తర్వాత కలుసుకున్న స్నేహితులు నాటి జ్ఞాపకాలను నెమరువేసుకున్నారు. తమకు విద్యాబుద్ధులు నేర్పిన ఉపాధ్యాయులను ఘనంగా సన్మానించి జ్ఞాపికలు అందజేశారు.ఉపాధ్యాయులు సుదర్శన్‌రెడ్డి, ఇంద్రదేవి, హనుమంతు, గులాం ముస్తఫా, చంద్రమౌళి, నాగయ్య, రూతమ్మ, రెడప్పరెడ్డి, అన్వార్‌ సుల్తానా, నర్సింహారెడ్డి, యాదగిరిరెడ్డి, రాములు, లింగేశ్వర్‌, పద్మరెడ్డిలను సత్కరించారు. ఈ సందర్భంగా తమతో కలిసి చదివి మృతి చెందిన స్నేహితులు అయ్యప్ప, చంద్రశేఖర్‌, మాధవి, భార్గవిలకు పూర్వ విద్యార్థులు నివాళులర్పించారు. పూర్వ విద్యార్థులు పెద్ద సంఖ్యలో పాల్గొని ఆత్మీయ సమ్మేళనాన్ని ఆనందోత్సాహాలతో నిర్వహించారు.