బలిజ సంగీయులు ఐక్యంగా ఉండాలి ఈనెల 25న బలిజ చైతన్య సదస్సు

వేంపల్లె మేజర్ న్యూస్:
బలిజ సంఘీయులు ఐక్యంగా ఉండి సామాజిక అభివృద్ధికి కృషి చేయాలని కార్యక్రమ సమన్వయకర్త పసుపులేటి వెంకటేశ్వర్లు పిలుపునిచ్చారు. మంగళవారం స్థానిక బలిజ సంఘం కార్యాలయంలో బలిజ సంఘీయులతో సమావేశం నిర్వహించారు. ఈ సందర్భంగా ఆయన మాట్లాడుతూ బలిజ సంఘీయులు అందరూ ఐక్యంగా ఉంటేనే సంఘo,మరింత అభివృద్ధి చెందుతుందని పేర్కొన్నారు. గ్రేటర్ రాయలసీమ మహాబలిజ సంక్షేమ సంఘం ఆధ్వర్యంలో సంఘం బలోపేతం, యువతలో చైతన్యం, సమాజ అభివృద్ధిపై చర్చించేందుకు ఈనెల 25న ఆదివారం ఉదయం 10 గంటలకు కడపలోని మాధవి కన్వెన్షన్ హాల్ నందు కడప,అన్నమయ్య జిల్లాల బలిజ చైతన్య సదస్సు నిర్వహించనున్నట్లు తెలిపారు.సదస్సుకు ప్రధాన వక్తగా నంద్యాల కు చెందిన ఆర్జీఎం శాంతిరాం విద్యాసంస్థల చైర్మన్ మిద్దె. శాంతి రాముడు హాజరై బలిజ సంఘీయులకు దిశానిర్దేశం చేయనున్నట్లు పేర్కొన్నారు. బలిజ కుల సంక్షేమం అభివృద్ధి, రాజకీయ చైతన్యమే కార్యక్రమ లక్షమన్నారు. ఈ కార్యక్రమానికి బలిజ సంఘ సభ్యులు, యువత, మహిళలు పెద్ద సంఖ్యలో పాల్గొని సదస్సును విజయవంతం చేయాలని నిర్వాహకులు కోరారు. ఈ కార్యక్రమంలో కార్యనిర్వాహకులు రాయలసీమ అధ్యక్షుడు సమతం రాము, దేవసం గిరిబాబు, సుంకర రవిశంకర్, బండి ప్రసాద్, పల్కూరి అరవింద్, బెల్లంకొండ గోపి, హరీష్, వేంపల్లె బలిజ సంఘం గౌరవ అధ్యక్షులు కొత్తూరు రెడ్డయ్య, డాక్టర్ రంగయ్య, ప్రెసిడెంట్ కటిక చంద్రశేఖర్, కమిటీ సభ్యులు ఎద్ధుల రామచంద్ర, డాక్టర్ రాజారాం, కోలా మారుతి వరప్రసాద్, రవిశంకర్ తదితరులు పాల్గొన్నారు.

గండికోట షేక్ ఖదీర్, వేంపల్లె.
వైఎస్ఆర్ కడప జిల్లా.