బాలల హక్కులు, దత్తతపై ప్రజలకు అవగాహన
ఎమ్మిగనూరు, సూర్య ప్రతినిధి, జాతీయ దత్తత అవగాహన మాసోత్సవం–2026లో భాగంగా దత్తత ప్రక్రియ, ఫోస్టర్ కేర్ విధానం, దత్తత తీసుకోవడం వల్ల కలిగే ప్రయోజనాలపై ప్రజలకు ఐ సి పి ఎస్ లక్ష్మిఅవగాహన కల్పించారు. సీడీపీఓ సాఫ్ఫారున్నిషా బేగం ఆధ్వర్యంలో జరిగిన ఈ అవగాహన కార్యక్రమంలో ఆమె మాట్లాడుతూ బాలల హక్కుల వారోత్సవాల్లో భాగంగా బాలల హక్కులు, సంరక్షణ, భద్రత, ఎదుర్కొంటున్న సమస్యలపై వివరించారు.అదేవిధంగాబాల్య వివాహ రహిత భారతదేశం 100 రోజుల ప్రచార కార్యక్రమంలో భాగంగా బాల్య వివాహాల నిర్మూలనకు ప్రతి ఒక్కరూ కృషి చేయాలని పిలుపునిస్తూ ప్రజలతో ప్రతిజ్ఞ చేయించారు. పోక్సో చట్టంపై అవగాహన కల్పించి, బాలలపై లైంగిక వేధింపుల నివారణ, రక్షణ చర్యలు, చట్టపరమైన హక్కుల గురించి వివరించారు. బాలల భద్రత ప్రతి ఒక్కరి బాధ్యత అని కార్యక్రమంలో తెలియజేశారు. ఈ కార్యక్రమం లో సూపర్వైజర్లు నాగలక్ష్మి భాగ్యలక్ష్మి నీలమ్మ గురు సేకరమ్మ అంగన్వాడీ టీచర్లు పాల్గొన్నారు.
*A. R. శరత్ కుమార్, సూర్య ప్రతినిధి, ఎమ్మిగనూరు, కర్నూలు జిల్లా.*