అవగాహనతో పోలియో నిర్మూలన సాధ్యం

రామభద్రపురం, సూర్య : అవగాహనతో పోలియో నిర్మూలన సాధ్యమని బొబ్బిలి రోటరీ క్లబ్ అధ్యక్షులు డాక్టర్ జె సి రాజు  అన్నారు. ప్రపంచ పోలియో నిర్మూలనా దినోత్సవ నేపధ్యంలో శనివారం సాయంత్రం నాయుడువలస గ్రామంలో అవగాహన ర్యాలీ నిర్వహించారు. ఈ సందర్భంగా పోలియో రహిత సమాజమే లక్ష్యంగా ప్రతివారు అవగాహన కలిగి పరిశుభ్రతను పాటించాలన్నారు. గత 50 సంవత్సరాలుగా అంతర్జాతీయ రోటరీ సంస్థ మిలింద బిల్ గేట్స్ మరియు ప్రపంచ  ఆరోగ్య  సంస్థలతో కలిసి  ప్రపంచవ్యాప్తంగా పోలియో నిర్మూలన కొరకు అవిరళ కృషి చేస్తుందన్నారు. పోలియో రహిత ప్రపంచం సాధనే ద్యేయంగా అంతర్జాతీయ రోటరీ సంస్థ కృషి చేస్తుందన్నారు. 5 ఏండ్ల లోపు పిల్లలకు రెండు పోలియో చుక్కలు  ప్రతిసారి ఇప్పించాలన్నారు. కార్యక్రమంలో రమణ, తల్లులు పాల్గొన్నారు.

రిపోర్టర్ : రామకృష్ణ, రామభద్రపురం, విజయనగరం.