అనంతపురం రూరల్ లో ఎంపిటిసి, జడ్పిటిసి ఎన్నికల షెడ్యూల్ విడుదల

అనంతపురం రూరల్ మేజర్ న్యూస్ :  స్థానిక సంస్థల ఎన్నికలలో భాగంగా రాష్ట్ర ఎన్నికల కమిషన్  సోమవారం ఎంపీటీసీ, జడ్పిటిసి ఎన్నికలకు నోటిఫికేషన్ విడుదల చేయడంతో అనంతపురం రూరల్ మండలంలో ఎన్నికల సమరం మొదలైంది.  మండలంలో 36 ఎంపీటీసీ స్థానాలు, ఒక జడ్పిటిసి స్థానానికి 
స్థానిక మండల పరిషత్ కార్యాలయంలో  ఎన్నికల రిటర్నింగ్ ఆఫీసర్  నారాయణస్వామి, ఏ ఆర్ ఓ పి. దివాకర్ ఎన్నికల షెడ్యూల్ ను విలేకరుల సమావేశంలో వెల్లడించారు.     అనంతపురం రూరల్ మండలం పరిషత్ కార్యాలయంలో ఏర్పాటుచేసిన నామినేషన్ కేంద్రంలో ఈనెల 21 నుంచి 23 వరకు ఉదయం 10:30 గంటల నుంచి సాయంత్రం 5  గంటల వరకు రాజకీయ పార్టీల అభ్యర్థుల నుంచి నామినేషన్లు స్వీకరిస్తున్నట్లు నారాయణస్వామి తెలిపారు.  24న అభ్యర్థులు దాఖలు చేసిన నామినేషన్లు పరిశీలన,  25న  తిరస్కరించిన నామినేషన్ల పై అప్పిలు 26న అప్పిలేట్ అధికారి అప్పీలు పరిష్కారం, 27న మధ్యాహ్నం 3 గంటల వరకు నామినేషన్ల ఉపసంహరణ,  మధ్యాహ్నం మూడు గంటల తర్వాత పోటీ చేయు అభ్యర్థులను తుది జాబితా ప్రచురిస్తామని ఎన్నికల అధికారులు తెలిపారు.  నవంబర్ 3 న ఉదయం 7 గంటల నుంచి సాయంత్రం ఐదు గంటల వరకు అన్ని గ్రామ పంచాయతీల ఎంపిటిసి స్థానాలకు, జడ్పిటిసి స్థానానికి ఎన్నికల పోలింగ్ జరుగుతుందని తెలిపారు. మండలంలో ఎక్కడైనా పోలింగ్ లో ఇబ్బందుల ఎదురైతే నవంబర్ 4 న రీపోలింగ్ జరుగుతుందని తెలిపారు. 5 న జేఎన్టీయూ ఇంజనీరింగ్ కాలేజ్ లోని ప్రధాన భవనంలో  ఎన్నికల కౌంటింగ్ , ఆ తర్వాత ఫలితాలు వెల్లడిస్తున్నట్లు ఎన్నికల రిటర్నింగ్ ఆఫీసర్ నారాయణస్వామి తెలిపారు. నామినేషన్ల స్వీకరణ సందర్భంగా  అనంతపురం రూరల్ మండల పరిషత్ కార్యాలయం వద్ద పటిష్ట పోలీస్ బందోబస్తు, 8 సీసీ కెమెరాలతో  కెమెరాలతో ప్రత్యేక నిఘ పెట్టినట్లు ఎన్నికల అధికారి నారాయణస్వామి తెలిపారు.  నామినేషన్ కేంద్రం వద్ద అభ్యర్థులకు అవసరమైన ఫారాలు, సర్టిఫికెట్లు సలహాలు అందించేందుకు కోసం ప్రత్యేక హెల్ప్ డెస్క్ ఏర్పాటు చేసినట్లు  ఆయన తెలిపారు. మండలంలో ఎన్నికల ప్రక్రియ ఎలాంటి అవాంఛనీయ సంఘటనలు జరగకుండా.. ప్రశాంతంగా నిర్వహించడానికి పోలీస్ అధికారులతో కలసి అవసరమైన చర్యలు తీసుకుంటున్నట్లు ఎన్నికల రిటర్నింగ్ ఆఫీసర్ నారాయణస్వామి తెలిపారు.