అనధికార నిర్మాణాల పై జివిఎంసి అధికారులు ఉక్కుపాదం....

పిఎం పాలెం సెప్టెంబర్ 30 మేజర్ న్యూస్....  అనుమతులు లేని అనధికార నిర్మాణాలపై బుధవారం నాడు మధురవాడ జోన్ పట్టణ ప్రణాళిక అధికారులు చర్యలు చేపట్టారు. ఈ సందర్భంగా మధురవాడ జోన్ ఏ సి పీ పి.గౌరు ఆదేశాలు మేరకు టౌన్ ప్లానింగ్ ఆఫీసర్ తేజేశ్వరరావు ఆయన సిబ్బందితో అనధికార నిర్మాణాలపై, ఆక్రమణలపై క్షేత్ర స్థాయిలో చర్యలు చేపట్టారు. ఈ సందర్భంగా హెచ్ పి సి ఎల్ లే అవుట్ లో ఓపెన్ స్పేస్ లోని అనధికార నిర్మాణాలపై, పి ఎం పాలెం సౌండ్ అండ్ సౌండ్ లే అవుట్ లోని అనధికార షెడ్డు ను అయోధ్యనగర్ లో గుర్తించిన అనధికార నిర్మాణాలపై కఠిన చర్యలు తీసుకున్నారు. ఈ సందర్భంగా టౌన్ ప్లానింగ్ ఆఫీసర్ తేజేశ్వరరావు మాట్లాడుతూ మధురవాడ జోన్ లో తమ దృష్టికి ఎటువంటి అనధికార నిర్మాణాలు, ఆక్రమణలు వచ్చిన వాటిపై తప్పకుండా చర్యలు తప్పవని తెలిపారు.కనుక నిబంధనలకు అనుగుణంగా జి వి ఎం సి అనుమతులు తప్పనిసరిగా తీసుకోవాలని ఆయన పేర్కొన్నారు