అమ్మవారి అన్నదానం, గోసంరక్షణకు రూ.1,01,116 విరాళం

ఇంద్రకీలాద్రి, మేజర్ న్యూస్ : విజయవాడ ప్రశాంతినగర్‌కు చెందిన కాలకోట కోమలి ఇంద్రకీలాద్రిపై కొలువై ఉన్న శ్రీ కనకదుర్గమ్మ అమ్మవారి అన్నదాన విభాగానికి, గోసంరక్షణ కార్యక్రమానికి రూ.1,01,116 విరాళంగా సమర్పించారు. అమ్మవారి భక్తురాలైన కోమలి భక్తిశ్రద్ధలతో ఈ విరాళాన్ని అందజేశారు. ఆలయ ట్రస్ట్ బోర్డు సభ్యులు శ్రీ రామబ్రహ్మం ఆధ్వర్యంలో, ఆలయ అర్చక స్వాముల సమక్షంలో విరాళం సమర్పణ కార్యక్రమం జరిగింది. ఆలయంలో నిర్వహిస్తున్న అన్నదాన కార్యక్రమానికి, గోసంరక్షణకు తన వంతు సహకారం అందించాలనే సంకల్పంతో ఈ విరాళాన్ని అందించినట్లు తెలిపారు. అమ్మవారి సేవా కార్యక్రమాల్లో భక్తులు భాగస్వాములు కావడం అభినందనీయమని ఈ సందర్భంగా పేర్కొన్నారు.

స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.