అంగన్వాడి టీచర్లకు ఘన సన్మానం

అనుమసముద్రంపేట మేజర్ న్యూస్ :  సేవా సంకల్ప అభియాన్‌లో భాగంగా ఏ.ఎస్.పేట మండలంలోని పలు గ్రామాల్లో బీజేపీ నాయకుల ఆధ్వర్యంలో అంగన్వాడి టీచర్ల,కు సన్మాన కార్యక్రమం ఘనంగా నిర్వహించారు. మండలంలోని హసనాపురం, జువ్వల గుంటపల్లి, అంగన్వాడి సెంటర్ లను అలాగే శ్రీకొలను,ఎస్సీ కాలనీ, చిరమన లోని,ఎస్సీ కాలనీ,  మెయిన్, అంగన్వాడి కేంద్రాలను వారు సందర్శించారు. ఆయా కేంద్రాల్లోని అంగన్వాడి టీచర్లను శాలువాలతో ఘనంగా సన్మానించారు.ఈ సందర్భంగా వారు మాట్లాడుతూ కేంద్ర ప్రభుత్వం అందిస్తున్న సదుపాయాలను, పోషకాహారాన్ని గర్భిణీ స్త్రీలకు,బాలింతలకు, చిన్నారులకు సకాలంలో అందించాలని సూచించారు. అంగన్వాడి కేంద్రాల నిర్వహణపై పలు సూచనలు, సలహాలు అందించారు.ఈ కార్యక్రమంలో బీజేపీ రాష్ట్ర మహిళా మోర్చా జోనల్ ఇంచార్జ్ పీవీఎస్ లక్ష్మీ ప్రియ, నెల్లూరు జిల్లా కార్యదర్శి ఏ. నాగవేణి, మండల అధ్యక్షులు గోవిందుల వాసు, పాల్గొన్నారు.