అంగన్‌వాడీ కార్యకర్తలకు ‘పోషణ్‌ భీ పఢాయీ భీ’పై రెండో రోజు శిక్షణ
వత్సవాయి మేజర్ న్యూస్ :- అంగన్‌వాడీ కేంద్రాల ద్వారా చిన్నారుల ఆరోగ్య పరిరక్షణ, సమగ్ర అభివృద్ధిపై తల్లులకు అవగాహన కల్పించే లక్ష్యంతో అంగన్‌వాడీ కార్యకర్తలకు రెండో రోజు ‘పోషణ్‌ భీ పఢాయీ భీ’ శిక్షణ కార్యక్రమం నిర్వహించారు.ఈ కార్యక్రమంలో సీడీపీఓ సత్యవతి, ఏసీడీపీఓ సరళ, సూపర్‌వైజర్ బీబీజాన్ పాల్గొని అంగన్‌వాడీ కార్యకర్తలకు పలు అంశాలపై అవగాహన కల్పించారు. దివ్యాంగ పిల్లలను గుర్తించడం, వారికి అవసరమైన వైద్య సేవలు అందించేందుకు రిఫరల్ ప్రక్రియ, వైకల్యాల రకాలు, స్క్రీనింగ్ విధానాల గురించి వివరించారు.అలాగే సున్నా నుంచి ఆరు సంవత్సరాల వయస్సు గల పిల్లల్లో ఎదుగుదల మైలురాళ్లు, వారి శారీరక, మానసిక అభివృద్ధిని గుర్తించే విధానాలపై శిక్షణ ఇచ్చారు. గృహ సందర్శనల సమయంలో తల్లులకు పిల్లల ఆరోగ్యం, పోషకాహారం, సంరక్షణపై ఏ విధంగా అవగాహన కల్పించాలనే అంశాలను వివరించారు.ఈ శిక్షణ ద్వారా అంగన్‌వాడీ కార్యకర్తలు చిన్నారుల అభివృద్ధిని మరింత సమర్థవంతంగా పర్యవేక్షిస్తూ, అవసరమైన వారికి తగిన సేవలు అందించాలని సూచించారు.
