అంబటి రాంబాబుకు పోలీసులు నోటీసులు

అంబటి రాంబాబుకు పోలీసులు నోటీసులు!
-ఈ నెల 8న విచారణకు రావాలని కిర్లంపూడి పోలీసుల ఆదేశం
-8న రాలేనంటున్న మాజీ మంత్రి.. వేరే పనులున్నాయని వెల్లడి
-విచారణకు హాజరయ్యే తేదీ త్వరలో చెబుతానన్న అంబటి రాంబాబు

ఏపీ స్టేట్‌ బ్యూరో, అమరావతి:
వైఎస్సార్‌సీపీ నేత, మాజీ మంత్రి అంబటి రాంబాబుకు కిర్లంపూడి పోలీసులు నోటీసులు జారీ చేశారు. ఈ నెల 8న విచారణకు హాజరుకావాలని నోటీసుల్లో పేర్కొన్నారు. అయితే 8వ తేదీన తనకు వేరే పనులు ఉన్నాయని అంబటి రాంబాబు తెలిపారు. విచారణకు ఏ రోజున హాజరవుతారో త్వరలో తెలియజేస్తానని వెల్లడించారు.
ముద్రగడ అంత్యక్రియలు ప్రభుత్వ లాంఛనాలతో నిర్వహించిన సమయంలో అంబటి రాంబాబు అడ్డుకున్నారన్న ఆరోపణల నేపథ్యంలో పోలీసులు ఈ నోటీసులు జారీ చేసినట్లు సమాచారం. ఈ వ్యవహారంలో అంబటి రాంబాబు నుంచి వివరాలు సేకరించేందుకు పోలీసులు విచారణకు పిలిచారు.8న విచారణకు హాజరు కావాల్సి ఉండగా.. ఆ రోజు వేరే పనులు ఉన్నాయని అంబటి చెప్పడం ఇప్పుడు చర్చనీయాంశంగా మారింది. అయితే ఆయన ఎప్పుడు విచారణకు హాజరవుతారనే దానిపై త్వరలో స్పష్టత వచ్చే అవకాశం ఉంది.