అమలాపురంలో కూటమి అభ్యర్థులకు మద్దతుగా రాజ్యసభ ఎంపీ సానా సతీష్ బాబు ప్రచారం

కూటమి అభ్యర్థులను అత్యధిక మెజారిటీతో గెలిపించి ఐక్యతను చాటాలి

సూర్య స్టేట్ బ్యూరో, అమరావతి : 

అమలాపురంలోని పేరూరు 4వ ఎంపీటీసీ స్థానానికి జనసేన పార్టీ తరఫున పోటీ చేస్తున్న నందుల సంతోషి, జడ్పిటిసి  అభ్యర్థి లింగోలు నాగ పావనికి మద్దతుగా రాజ్యసభ ఎంపీ సానా సతీష్ బాబు సోమవారం ఎన్నికల ప్రచారం నిర్వహించారు.

మంత్రి వాసంశెట్టి సుభాష్, ఎంపీ హరీశ్, గంధం పల్లంరాజు తదితర కూటమి నాయకులతో కలిసి ప్రచారంలో పాల్గొన్న ఎంపీ సానా సతీష్ బాబు.. కూటమి అభ్యర్థులను అత్యధిక మెజారిటీతో గెలిపించాలని ప్రజలకు పిలుపునిచ్చారు.

రాష్ట్ర అభివృద్ధి, ప్రజా సంక్షేమం కోసం కూటమి ప్రభుత్వం చేపడుతున్న కార్యక్రమాలకు ప్రజల మద్దతు కొనసాగించాలని, ఈ ఎన్నికల్లో కూటమి అభ్యర్థుల విజయంతో మూడు పార్టీల ఐక్యతను చాటాలని కోరారు.

కూటమి నాయకులు, కార్యకర్తలు సమన్వయంతో పనిచేస్తూ అభ్యర్థుల విజయానికి కృషి చేయాలని ఎంపీ సానా సతీష్ బాబు సూచించారు.