అడ్డురోడ్డులో వైసీపీ సన్నాహక సమావేశం!

స్థానిక ఎన్నికలే లక్ష్యంగా వ్యూహరచన

ఎస్.రాయవరం,  రాబోయే స్థానిక సంస్థల ఎన్నికలకు సమాయత్తమవుతూ వైఎస్ఆర్ కాంగ్రెస్ పార్టీ కసరత్తు ప్రారంభించింది. ఎస్.రాయవరం మండలం అడ్డురోడ్డులోని పార్టీ కార్యాలయం వద్ద మాజీ ఎమ్మెల్యే, పాయకరావుపేట నియోజకవర్గ వైసీపీ ఇన్‌చార్జ్ కంబాల జోగులు అధ్యక్షతన సన్నాహక సమావేశం నిర్వహించారు.సమావేశంలో చర్చించిన ప్రధాన అంశాలు:రాబోయే జడ్పీటీసీ, ఎంపీపీ, సర్పంచ్ ఎన్నికల్లో అనుసరించాల్సిన వ్యూహాలు, పార్టీ విజయమే లక్ష్యంగా నాయకులు, కార్యకర్తల మధ్య సమన్వయం.. మండలంలో పార్టీ బలోపేతానికి తీసుకోవాల్సిన చర్యలు గురించి చర్చించారు. ఈ కార్యక్రమంలో ఎస్.రాయవరం మండల పార్టీ అధ్యక్షులు మధు వర్మ, సీనియర్ నాయకులు శ్రీపతిరాజు, మండల ముఖ్య నాయకులు, పెద్ద సంఖ్యలో పార్టీ కార్యకర్తలు పాల్గొన్నారు. స్థానిక సంస్థల ఎన్నికల్లో వైసీపీ జెండా ఎగురవేసేందుకు ప్రతి ఒక్కరూ కృషి చేయాలని కంబాల జోగులు ఈ సందర్భంగా పిలుపునిచ్చారు.