ఆత్మకూరు యూపీహెచ్సి పరిధిలో సేవా సంకల్ప అభియాన్ విజయవంతం

ఆత్మకూరు, మేజర్ న్యూస్ : ఆత్మకూరులోని యూపీహెచ్ సి  పరిధిలో సేవా సంకల్ప అభియాన్  కార్యక్రమాన్ని వైద్యాధికారిణి డాక్టర్ సాయి ప్రసన్న  ఆధ్వర్యంలో  విజయవంతంగా నిర్వహించారు.
ఈ కార్యక్రమంలో భాగంగా ప్రజలకు ఉచిత వైద్య పరీక్షలు, ఆరోగ్య సేవలు మరియు అవసరమైన చికిత్సలు అందించారు. గర్భిణీలకు ఏ ఎన్ సి పరీక్షలు, హైరిస్క్ గర్భిణీల గుర్తింపు, హిమోగ్లోబిన్ పరీక్షలు, రక్తపోటు , మధుమేహం  తదితర ఆరోగ్య సమస్యలపై స్క్రీనింగ్ నిర్వహించారు. అదేవిధంగా ఊబకాయం పరీక్షలు, పోషకాహారం మరియు ఆరోగ్య సంరక్షణపై కౌన్సెలింగ్, తక్కువ ఉప్పు–తక్కువ నూనె–తక్కువ చక్కెర ఆహారంపై అవగాహన, టెలి - మనస్ సేవలపై సమాచారం, కిశోర బాలికలకు మాసిక పరిశుభ్రతపై అవగాహన వంటి పలు ఆరోగ్య సేవలను ఉచితంగా అందించారు. ఈ కార్యక్రమంలో డాక్టర్ అబ్దుల్ రజాక్  పాల్గొని ప్రజలకు వైద్య సేవలు అందించారు. పరీక్షల అనంతరం అవసరమైన వారికి తగిన చికిత్స, ఆరోగ్య సూచనలు అందించారు.కార్యక్రమాన్ని విజయవంతంగా నిర్వహించడంలో హెచ్ ఈ వో  ఎస్. సుధాకర్ , హెచ్ బి  పార్వతి , హెల్త్ అసిస్టెంట్ శ్రీరాములు,  సిబ్బంది, ఏ ఎన్ ఎం లు, ఆశా కార్యకర్తలు లు మరియు ఇతర ఆరోగ్య సిబ్బంది చురుకుగా పాల్గొన్నారు. ప్రజలకు అవసరమైన ఆరోగ్య సేవలను వారి పరిధిలోనే అందుబాటులోకి తీసుకురావడం, వ్యాధులను ముందుగానే గుర్తించడం, ఆరోగ్యంపై అవగాహన కల్పించడం ఈ కార్యక్రమం ప్రధాన ఉద్దేశ్యమని వైద్య ఆరోగ్యశాఖ సిబ్బంది తెలిపారు. సేవా సంకల్ప అభియాన్ ద్వారా ప్రజలకు ఉచిత వైద్య పరీక్షలు, ఆరోగ్య అవగాహన మరియు అవసరమైన చికిత్సలు అందిస్తూ కార్యక్రమాన్ని విజయవంతంగా నిర్వహించారు.