ఆత్మకూరు మండల అధ్యక్షురాలుగా దావా సుమన్య ఏకగ్రీవంగా ఎన్నిక
ఆత్మకూరు,మేజర్ న్యూస్ : ఆత్మకూరు మండల పరిషత్ అధ్యక్షురాలుగా తెలుగుదేశం ఎంపిటిసి మెంబర్ ధావా సుమన్య ఏకగ్రీవంగా ఎన్నికయ్యారు. గురువారం ప్రిసైడింగ్ అధికారి వై. కోటేశ్వరరావు ఎంపీపీ, వైస్ ఎంపీపీ ఎన్నిక నిర్వహించారు. ఈ సందర్భంగా మండలంలోని తొమ్మిది మంది ఎంపీటీసీలు హాజరయ్యారు. తొమ్మిది మందిలో ఒకరు వైసిపి ఎంపీటీసీమెంబర్ కాగా మిగతా ఎనిమిది మంది తెలుగుదేశం ఎంపీటీసీ సభ్యులు. కరకంపాడు మండల పరిషత్ ప్రాదేశిక నియోజకవర్గం నుండి ఇటీవల జరిగిన ఎన్నికల్లో విజయం సాధించిన దావా సుమన్యను ఏకగ్రీవంగా సభ్యులందరూ ఎన్నుకున్నారు. ఈ మేరకు సుమన్యచేత అధికారి ప్రమాణ స్వీకారం చేయించారు. ఎంపీపీగా ఎన్నికైన దావా సుమన్యను అధికారులు,ఎంపీటీసీ సభ్యులు తదితరులు అందరూ ప్రత్యేకంగా అభినందనలు తెలిపారు. మంత్రి ఆనం రామనారాయణ రెడ్డి ఆశీస్సులతో ఆమె ఎంపిటిసి మెంబర్ గా పోటీ చేసి విజయం సాధించారు.