ఆమదాలవలస మున్సిపాలిటీకి కొత్త జేసీబీ కొనుగోలు

ఆమదాలవలస,ఆమదాలవలస మున్సిపాలిటీలో పారిశుద్ధ్య పనులను మరింత మెరుగుపరిచేందుకు రూ.41.53 లక్షల నిధులు మంజూరయ్యాయి. వాటితో కొత్త జేసిబిని కొనుగోలు చేసి కమిషనర్ కి గురువారం అందజేశారు.ఆమదాలవలస ఎమ్మెల్యే,  రాష్ట్ర పీయూసీ చైర్మన్ కూన రవికుమార్ కృషి ఫలితంగా ఏపీ జెన్కో ఆధ్వర్యంలో కార్పొరేట్ సోషల్ రెస్పాన్సిబిలిటీ (సీఎస్‌ఆర్) కార్యక్రమం కింద కొత్త జేసీబీ కొనుగోలు చేశారు. మున్సిపాలిటీ పరిధిలోని వివిధ వార్డుల్లో పారిశుద్ధ్య నిర్వహణను మెరుగుపరచడంతోపాటు రహదారులపై పేరుకుపోయిన చెత్తకుప్పలు, భవన నిర్మాణ వ్యర్థాలను తొలగించేందుకు ఈ జేసీబీ ఎంతగానో ఉపయోగపడనుంది. తద్వారా పట్టణంలో పరిశుభ్రతను పెంపొందించి, ప్రజలకు మెరుగైన పారిశుద్ధ్య సేవలు అందించేందుకు అవకాశం కలగనుంది. మున్సిపాలిటీలో పారిశుద్ధ్య నిర్వహణను బలోపేతం చేయడం, రహదారులపై వ్యర్థాలను సకాలంలో తొలగించడం, పట్టణ ప్రజలకు పరిశుభ్రమైన వాతావరణాన్ని కల్పించడం లక్ష్యంగా ఈ నిధులు ద్వారా కొన్న జెసిబి ను వినియోగించనున్నారు. సీఎస్‌ఆర్ నిధుల ద్వారా జేసీబీ కొనుగోలుకు నిధులు మంజూరు చేసి కొనుగోలు చేయడంతో  మున్సిపాలిటీ పారిశుద్ధ్య సేవలకు మరింత తోడ్పాటు లభించిందని హర్షం వ్యక్తం చేశారు, ఈ సందర్భంగా జెన్కో యాజమాన్యానికి ఎమ్మెల్యే,  మున్సిపల్ కమిషనర్ ధన్యవాదాలు తెలిపారు.