ఆకతాయిల ఆగడాలకు చెక్‌.. పాఠశాలలో సీసీ కెమెరాలు

కురిచేడు మేజర్ న్యూస్:-  కురిచేడు మండలంలోని ఎన్ఎస్‌పీ అగ్రహారం జెడ్పీ హైస్కూల్‌ ప్రాంగణంలో ఆకతాయిల ఆగడాలకు అడ్డుకట్ట వేసేందుకు పాఠశాల యాజమాన్యం చర్యలు చేపట్టింది. పాఠశాల ప్రహరీ గోడ ఎత్తు తక్కువగా ఉండటంతో సాయంత్రం వేళ కొందరు ఆకతాయిలు పాఠశాల ఆవరణలోకి ప్రవేశించి తరగతి గదులు, పాఠశాల ఆస్తులను ధ్వంసం చేస్తున్నట్లు స్థానికుల నుంచి ఫిర్యాదులు వచ్చాయి.ఈ విషయాన్ని ఇటీవల నూతనంగా పాఠశాల ఎస్ఎంసీ చైర్మన్‌గా ఎంపికైన కె. అంకయ్య దృష్టికి తీసుకెళ్లగా, ఆయన వెంటనే స్పందించారు. పాఠశాల భద్రతను దృష్టిలో ఉంచుకుని తన సొంత ఖర్చవెచ్చించి సీసీ కెమెరాలను ఏర్పాటు చేయించారు.