37 కేసుల్లో ఉన్న ముద్దాయిని అదుపులోకి తీసుకున్న పట్టణ పోలీసులు

తాడేపల్లిగూడెం, మేజర్ న్యూస్; 37 కేసుల్లో ముద్దాయిగా ఉన్న అంతర్ జిల్లా నేరస్తులు కరుటూరి సాయి సూర్యతేజ ను తాడేపల్లిగూడెం పట్టణ పోలీసులు అదుపులోకి తీసుకున్నారు. ఆత్రేయపురం మండలం అంకంపాలెం కి చెందిన కరటూరి సాయి సూర్య తేజ అనే 24 అనే యువకుడిని పోలీసులు అదుపులోకి తీసుకున్నారు. రాష్ట్రంలో వివిధ ప్రాంతాలలో చోరీలకు పాల్పడుతూ తాడేపల్లిగూడెం ఏలూరు రోడ్ లోని సాయిబాబా గుడి ఎదురుగా ఉన్న మెకానిక్ షెడ్ లో టాటా నెక్సన్ కారు ఏపీ 37 డిఎం 2342 చోరీ చేసి, వివిధ ప్రాంతాలలో తిరుగుతూ ఉండగా పట్టణ పోలీసులు వలవేసి చాకచక్యంగా అతనిని అదుపులోకి తీసుకున్నామని డి.ఎస్.పి బి. నరసింహారావు తెలియజేశారు.  ఉన్నతాధికారుల ఆదేశాల మేరకు పెద్దాపురం ఒంగోలు ప్రాంతాలలో వివిధ నేరాలతో సంబంధం ఉన్న సూర్యతేజను అదుపులోకి తీసుకున్నారని సీఐ ఆది ప్రసాద్, ఎస్సై లు పట్టణ పోలీసులను డిఎస్పి నరసింహారావు అభినందించారు. అనంతరం విచారణలో సూర్యతేజ చేసిన నేరాలను అంగీకరించాడని మొత్తం 37 కేసులు వివిధ ప్రాంతాలలో పోలీస్స్టేషన్లో నమోదు అయ్యాయని తెలియజేశారు.