11వ తేదీ నుండి దేవి శరన్నవరాత్రి మహోత్సవాలు ప్రారంభం:తూనుగుంట్ల

భట్టిప్రోలు, మేజర్ న్యూస్:
దసరా ఉత్సవాలలో భాగంగా మండల కేంద్రమైన భట్టిప్రోలులో వేంచేసియున్న శ్రీ వాసవి కన్యకా పరమేశ్వరి దేవస్థానంలో ఈనెల 11వ తేదీ నుండి దేవి శరన్నవరాత్రి మహోత్సవాలు 20వ తేదీ వరకు అంగరంగ వైభవంగా నిర్వహించనున్నట్లు దేవస్థానం కమిటీ అధ్యక్షులు తూనుగుంట్ల సాయిబాబా శుక్రవారం తెలిపారు. ఈ సందర్భంగా ఆయన మాట్లాడుతూ 11వ తేదీ నుండి 20వ తేదీ వరకు 10 విశేష అలంకారములతో అమ్మవారు భక్తులకు దర్శనం కల్పిస్తారన్నారు. చెడుపై మంచి సాధించిన విజయానికి సంకేతంగా చెప్పుకునే దసరా ఉత్సవాలలో శక్తి స్వరూపిణి, జగన్మాత, పరమశివుని అంశతో జన్మించిన శ్రీ వాసవి కన్యకా పరమేశ్వరి అమ్మవారికి జరిగే పవిత్రమైన, శక్తివంతమైన, నవరాత్రి ఉత్సవాలలో అమ్మవారిని దర్శించిన భక్తులకు సర్వం శుభాలు కలుగుతాయని సాయిబాబా పేర్కొన్నారు.పది రోజులు పాటు జరిగే ఈ మహోత్సవాలలో విశేష పూజలు మరియు ప్రత్యేక సంస్కృతిక కార్యక్రమాలు నిర్వహించబడతాయన్నారుఈ మహోత్సవాల అంకురార్పణ సందర్భంగా కలశ స్థాపన, మండపారాధన, అఖండ జ్యోతి ప్రజ్వలనతో ఉత్సవాలు ప్రారంభమవుతాయని ఆయన తెలిపారు.ప్రతిరోజు దేవాలయంలో అమ్మవారికి అభిషేకాలు,ప్రత్యేక పూజలు నిర్వహించబడతాయన్నారు. పది రోజులపాటు నిత్యం లక్కి డీప్ ప్రైజులు ప్రకటించబడతాయన్నారు. ఈ సమావేశంలో దేవాలయ ప్రధాన కార్యదర్శి ఆలపాటి ఉపేంద్ర, కోశాధికారి మాజేటి వెంకటేశ్వరరావు, కమిటీ సభ్యులు పాల్గొన్నారు.