*యూరో కిడ్స్ స్పోర్ట్స్ డే వేడుకల్లో పాల్గొన్న మాజీ కార్పొరేటర్ సింధు ఆదర్శ్ రెడ్డి

రామచంద్రాపురం;రామచంద్రాపురం డివిజన్‌  లోని స్పోర్టివ్ క్లబ్ లో  యూరో కిడ్స్ బీరంగూడ, పటేల్‌గూడ శాఖల ఆధ్వర్యంలో నిర్వహించిన స్పోర్ట్స్ డే వేడుకలకు భారతి నగర్ మాజీ కార్పొరేటర్ సింధు ఆదర్శ్ రెడ్డి గారు ముఖ్య అతిథిగా హాజరయ్యారు.ఈ సందర్భంగా చిన్నారులు నిర్వహించిన వివిధ క్రీడా పోటీలను ఆమె ఆసక్తిగా తిలకించారు. క్రీడలు చిన్నారుల్లో శారీరక దృఢత్వంతో పాటు క్రమశిక్షణ, ఆత్మవిశ్వాసం, జట్టుగా పనిచేసే నైపుణ్యాలను పెంపొందిస్తాయని పేర్కొన్నారు. విద్యార్థులు చదువుతో పాటు క్రీడల్లోనూ రాణించాలని ఆకాంక్షించారు.ఈ కార్యక్రమంలో పాఠశాల ప్రిన్సిపల్ మౌనిక రెడ్డి గారు, ఉపాధ్యాయులు, విద్యార్థులు, తల్లిదండ్రులు పాల్గొన్నారు. చిన్నారుల ఉత్సాహభరితమైన క్రీడా ప్రదర్శనలు అందరినీ ఆకట్టుకున్నాయి.