విద్యుత్ వైర్లు, లైట్ల చోరీ
సూర్య గంగాధర ;గంగాధర నాగిరెడ్డిపూర్ గ్రామంలో బతుకమ్మ పండుగ సందర్భంగా ఇటీవల ఏర్పాటు చేసిన విద్యుత్ వైర్లు, ఎల్‌ఈడీ లైట్లు, ఒక ఐమాక్స్ బల్బును గుర్తుతెలియని వ్యక్తులు రాత్రి సమయంలో దొంగిలించిన ఘటన స్థానికంగా కలకలం రేపుతుంది. వివరాల ప్రకారం గ్రామంలో బతుకమ్మ పండుగను పురస్కరించుకుని ఊరి చివరి నుండి సమీపంలో ని వాగువద్ద గల ఎల్లమ్మ గుడివరకు సర్పంచ్ యశోద బాబు ఆధ్వర్యంలో విద్యుత్ వైర్లు, ఎల్‌ఈడీ లైట్లు, ఐమాక్స్ బల్బును ఏర్పాటు చేశారు. ఆదివారం బతుకమ్మల నిమజ్జనం అనంతరం దొంగతనం జరిగినట్లు పేర్కొన్నారు. పండుగ కోసం ఏర్పాటు చేసిన విద్యుత్ సామగ్రితో పాటు కాపర్ కూడా దొంగిలించడంతో గ్రామస్థులు ఆందోళన వ్యక్తం చేస్తున్నారు. ఇటీవల గ్రామ సమీపంలోని నీటి కాలువ వద్ద మోటార్లకు సంబంధించిన విద్యుత్ వైర్లు సైతం చోరీకి గురవుతున్న ఘటనలు చోటుచేసుకుంటున్నట్లు స్థానికులు పేర్కొంటున్నారు. వరుసగా ఇలాంటి చోరీలు జరుగుతుండటంతో గ్రామస్థులు, రైతులు ఆందోళన చెందుతున్నారు.దాదాపు 20వేల వరకు ఉంటుందని అంచనా
బతుకమ్మ పండుగ కోసం ఏర్పాటు చేసిన విద్యుత్ సామగ్రిని, రైతుల మోటార్లకు సంబంధించిన వైర్లను దొంగిలించడం పట్ల గ్రామస్థులు ఆగ్రహం వ్యక్తం చేస్తున్నారు. సంబంధిత అధికారులు, పోలీసులు ఈ ఘటనలపై దృష్టి సారించి, చోరీలకు పాల్పడుతున్న వారిని గుర్తించి తగిన చర్యలు తీసుకోవాలని కోరుతున్నారు.
గ్రామంలో ఇలాంటి ఘటనలు పునరావృతం కాకుండా రాత్రి వేళల్లో నిఘా పెంచి, విద్యుత్ సామగ్రికి భద్రత కల్పించాలని నాగిరెడ్డిపూర్ గ్రామస్థులు విజ్ఞప్తి చేస్తున్నారు.
