విద్యార్థుల ఆరోగ్యం, విద్యాభివృద్ధికి పోషకాహారం ఎంతో ముఖ్యం: కార్పొరేటర్ ఆకుల నర్మద

సూర్య కరీంనగర్: కాంగ్రెస్ ప్రభుత్వం చేపట్టిన బ్రేక్‌ఫాస్ట్ కార్యక్రమాన్ని కరీంనగర్‌లోని గౌతమ్ నగర్ ప్రభుత్వ పాఠశాలలో 11వ డివిజన్ కార్పొరేటర్ ఆకుల నర్మద ప్రారంభించారు. ఈ సందర్భంగా విద్యార్థులకు అల్పాహారం అందించారు. విద్యార్థుల ఆరోగ్యం, పోషకాహారం, విద్యాభివృద్ధికి ఇటువంటి కార్యక్రమాలు ఎంతగానో దోహదపడతాయని ఆమె పేర్కొన్నారు. ప్రభుత్వ పాఠశాలల్లో చదువుతున్న విద్యార్థులకు నాణ్యమైన విద్యతో పాటు పోషకాహారం అందించడం వల్ల వారు ఆరోగ్యంగా ఉంటూ చదువులో మెరుగైన ఫలితాలు సాధించేందుకు అవకాశం కలుగుతుందని తెలిపారు. విద్యార్థుల సంక్షేమం, వారి ఉజ్వల భవిష్యత్తును దృష్టిలో ఉంచుకుని ప్రభుత్వం చేపడుతున్న ఇటువంటి కార్యక్రమాలు అభినందనీయమన్నారు. ఈ కార్యక్రమంలో పాఠశాల ప్రధానోపాధ్యాయులు అబ్దుల్ వాజిద్, ఉపాధ్యాయులు తేజ తదితరులు పాల్గొన్నారు.