నిరసనలకు పిలుపు ఇవ్వకపోయినా బీఆర్ఎస్ నాయకుల ముందస్తు అరెస్టులు

నిరసనలకు పిలుపు ఇవ్వకపోయినా బీఆర్ఎస్ నాయకుల ముందస్తు అరెస్టులు

కందుకూరు: బీఆర్ఎస్ పార్టీ ఎలాంటి నిరసన కార్యక్రమానికి పిలుపునివ్వకపోయినా పోలీసులు ముందస్తు అరెస్టులు చేయడం ఏమిటని ఆ పార్టీ నాయకులు ప్రశ్నించారు. బీఆర్ఎస్ మండల యూత్ అధ్యక్షుడు తాళ్ల కార్తీక్‌తో పాటు యూత్ నాయకులు బొక్క దీక్షిత్ రెడ్డి, కుమ్మరి నరేష్, రావిచెట్టు అరుణ్ కుమార్, కుమ్మరి మధుకర్‌లను కందుకూరు పోలీసులు అరెస్టు చేశారు.
ఈ సందర్భంగా బీఆర్ఎస్ నాయకులు మాట్లాడుతూ….అరెస్టులకు భయపడకుండా పార్టీ బలోపేతానికి కృషి చేస్తామని తెలిపారు. కేసీఆర్ నాయకత్వంలో పార్టీని బలోపేతం చేస్తూ, సబితమ్మ ఆదేశాల మేరకు కందుకూరు మండలంలో మరింత విస్తరిస్తామని పేర్కొన్నారు. నిరసన కార్యక్రమాలు లేని సమయంలో ముందస్తు అరెస్టులు చేయడం ప్రజాస్వామ్య హక్కులను అడ్డుకోవడమేనని విమర్శించారు. ప్రజల గొంతుకను అణచివేయకుండా ప్రశ్నించే హక్కును గౌరవించాలని కాంగ్రెస్ ప్రభుత్వాన్ని డిమాండ్ చేశారు.

టి. శ్రీనివాస్, మేజర్ న్యూస్