వీణవంకలో పోలీసుల నాకాబందీ తనిఖీలు

సూర్య వీణవంక: కరీంనగర్ సీపీ ఆదేశాల మేరకు వీణవంక మండల కేంద్రంలో ఎస్సై ఆవుల తిరుపతి ఆధ్వర్యంలో నాకాబందీ కార్యక్రమాన్ని నిర్వహించారు. ఈ కార్యక్రమానికి ముఖ్య అతిథిగా సీఐ పులి వెంకట్ పాల్గొని పోలీసు సిబ్బందికి పలు సూచనలు చేశారు.ఈ సందర్భంగా సీఐ పులి వెంకట్ మాట్లాడుతూ.. నేరాల నియంత్రణ, అసాంఘిక కార్యకలాపాలకు అడ్డుకట్ట వేయడం, అనుమానాస్పద వ్యక్తులు మరియు వాహనాల కదలికలను గుర్తించేందుకు నాకాబందీ తనిఖీలు చేపడుతున్నట్లు తెలిపారు. ప్రజల భద్రతకు పోలీసులు నిరంతరం అప్రమత్తంగా ఉంటారని, అనుమానాస్పద వ్యక్తులు లేదా వాహనాలు కనిపిస్తే వెంటనే పోలీసులకు సమాచారం అందించాలని సూచించారు.నాకాబందీ సందర్భంగా వాహనాలను తనిఖీ చేసి, వాహనదారులకు ట్రాఫిక్ నిబంధనలు, రహదారి భద్రతపై అవగాహన కల్పించారు. కార్యక్రమంలో పోలీసు సిబ్బంది పాల్గొన్నారు.