వీబీజీ రామ్ జీపై మేట్లకు శిక్షణ కార్యక్రమం

సూర్య, పెంచికల్‌పేట్: పెంచికల్‌పేట్ మండల కేంద్రంలోని రైతు వేదికలో శుక్రవారం వీబీజీ రామ్ జీ పథకంపై మేట్లకు శిక్షణ కార్యక్రమం నిర్వహించారు. ఈ కార్యక్రమంలో ఏపీవో సతీష్, ఈసి జైహింద్ కుమార్ లు పాల్గొని పథకం అమలు, పనుల నిర్వహణకు సంబంధించిన అంశాలపై మేట్లకు అవగాహన కల్పించారు.ఈ సందర్భంగా పథకం పరిచయం, మేట్ల విధులు, బాధ్యతలు, పనుల మార్కౌట్లు, మస్టర్ నిర్వహణ, ఎన్‌ఎంఎంఎస్ విధానం, పనుల నాణ్యత ప్రమాణాలు, జలసిరి కార్యక్రమం, రికార్డుల నిర్వహణ తదితర అంశాలపై వివరించారు. పనుల నిర్వహణలో పారదర్శకత పాటిస్తూ, ప్రభుత్వ నిబంధనలకు అనుగుణంగా విధులు నిర్వర్తించాలని సూచించారు.మేట్లు తమకు అప్పగించిన బాధ్యతలను సమర్థవంతంగా నిర్వహిస్తూ, పథకం అమలు విజయవంతం కావడానికి సహకరించాలని  కోరారు.ఈ కార్యక్రమంలో మేట్లు పాల్గొన్నారు.